السلام عليكم ورحمة الله وبركاته
مثل ماهو واضح من العنوان الحقيقه اشوف الاعضاء الاعزاء قايمه قيامتهم من تصريح ((نكتة اليوتيوب))
وتطلب من ابن مساعد بالرد عليه بالتصاريح وتبادل الهمز واللمز بمثله ...!!!
من متى ننزل روسنا تحت( لها الخمه) الي مامن وراها الا وجع الراس والبربره الي اعتبرها بدون زعل (شوارعيه بما تعنيه الكلمه)
قالها عبدالله بن سعد رحمة الله عليه (انتهاء التنافس) وحنا باقي نهتم فيهم....
رساله الى ابن مساعد تكفى ثم تكفى ثم تكفى لاتطالع للثرى تراك فالثريا
واخرى لحبايبي (جن الملاعب) من متى صار الفوز على الفقر اكبر همنا .. والله ثم والله ماهو بند لفريقنا وان الاتفاق افضل منه بمراحل (مع احترامي للاتفاق ومحبينه) بس حنا الي احيينا هالتنافس الوهمي والمنتهي من سنين . ولايغركم الهيلمه الي اعتقد انهم نجحوا فيها على الفرق المتوسطه تراهم موب رايحين ديره و مكانهم المركز السابع ..
(على قولة المثل فرة قرمبع)
الليله عندنا مباراة مهمه مع الغرافه اتنمى من الي مايقدر يحضر ان يساند بالدعاء
(اللهم وفق الهلال حينما حل وارتحل)
وبالاخير لاتنسون الصلاة والمباراة يمدي عليها