موضوعك كويس وانا مع فكرتك تماما ... 
بالنسبة لجماهير المانيو شف تصرفها مع كريس ومع تيفيز ... اللي زي تيفيز يوم طلع من النادي صار يهتم لفشل المانيو اكثر من نجاحاته الشخصيه .. هالنوع لازم تتعامل معه وتوصفه بالحكي اللي انت قلته ؟! .. كريس الكل عارف ان الاعب سوى كل شي وهو واضح منه انه من النوع اللي يحب يصنع التاريخ والفارق ... وانتقاله للريال الكل تقبله خصوصا مع العائد المالي الكويس اللي جاء للنادي ... صحيح ترك مكانه فراغ ... لكن نظرة المانشستراوية لكريس غير تيفيز .. عشان كذا بهالمواضيع اللي زي هذي .. الشغله تعتمد كليا على تصرفات الاعب وتصاريحه بعد الانتقال ؟! ... وغالبا هالشغلات تصير مع الاعب اللي ينتقل من نادي لـ المنافس حقه ... لان وقتها ما يكون له اي عذر ليش انتقل ؟! نفس الدوري ومستوى الفريقين يمكن يكون متقارب و و و ... يعتبروه خاين لانه لحق الكاش وبس ؟!
بشكل عام ..
انا انظر لـ الاعب انه موظف ... انا شخصيا لو لقيت عرض افضل من الشركه اللي انا فيها بقلبها براسي من كل النواحي احسب الايجابيات والسلبيات .. الخبرة اللي بتجيني .. الخ الخ ... لو لقيت ان طلعتي من الشركه بمصلحتي مستحيل استنى لعيون احد ؟ مصلحتي وفايدتي اولا واخيرا ... ما احد يطلع من بيته ويقضي يومه كله بالشغل ويتعب ويروح ويجي عشان عيون فلان وعلان .. فيه مقابل ياخذه وهالشي هو اللي يخليه يتعب بالشغل ... لو بيفكر يحسب حساب للشركه ويضيع من نفسه فرصه .. بيجي يوم الشركه تشوف ان مصلحتها اني اكون اوت ... مستحيل تتاخر في هالقرار ؟!
نفس الحكي هذا هو ينطبق على الاعبين ... من حقه يجرب شي جديد .. يغير الروتين .. يأمن مستقبله ... طالما انه ما قصر مع فريقه .. وانتقاله كان بطريقه كويسه واتفاق من الطرفين ... ووقت ما طلع علاقته مع فريقه بقت كويسه وضل دايما محترم نفسه في تصرفاته وتصاريحه ما اتوقع ان احد بيزعل عليه او يقوله خاين ؟!
يعطيك العافيه 
انا وجهة نظري اتفق مع كلامك اللي قلته .. لكن ارجع اقولك الاعب نفسه هو اللي يحدد الصفه اللي لازم نطلقها عليه بعد انتقاله ... بس المشكله الكبيره تضل مع الاعبين اللي يطلعو من فريق بسبب انهم شافو انه بعيد عن البطولات حتى لو كان الفريق اسمه كبير ؟! .. زي توريس وابراهيموفيتش اشلي كول وغيرهم كثير طلعو لانهم شافو ان النادي اللي هم فيه بعيد عن البطولات مع انه نادي كبير ... هالشي احد اهم اسباب الحكي اللي قلته .. انه يسبب مشكله له بنظرهم انه خائن لانه تخلى عن النادي وهو بحاجته 
من رايي اعتقد كان المفروض اول واحد ذكرته من الاساطير هو دل بييرو ؟! .. لاني اشوفه اكثر شخص كان مخلص لليوفي خصوصا بعد هبوط اليوفي ... اعتقد لو نجم غيره ممكن اعتزل او فكر ينتقل لاي نادي ثاني ؟! 