كماتشو ممتاز ... وصانع لعب متمكن ... لكن من يوم طلع الاحتراف ... وحنا كل شوي طاردين جايبين ...

اللي مستواهم اكبر من مستويات اللاعبين اللي عندنا هذولا ماضيعوهم ... يابالاندية الاوروبية ... والا البرازيلية والارجنتينيه ....

كماتشو صانع لعب ممتاز ... ويدعم الهجوم بشكل جيد ... ولاننسى انه يتحرك بدون كوره ... ويشكل ثنائي مع الشلهوب ..

ومادامه على هالمنوال ... خلوه بالهلال ... الهلال مستفيد منه كثير ...


مثل ماذكر لنا اخونا كاتب الموضوع ... من خلال احصائيته ... كماتشو يمثل ثلاثة ارباع اهداف الهلال هالموسم ...

حنا مانبي الحين الا مهاجم كبير .... ماش .. العنبر والصويلح فيهم الخير ... بس مب ذاك اللي يمسّكون خط هجوم الزعيم ... لكن لو جاء واحد مع سامي ... والا الجمعان ... راح يكون شي جميل ...

وحنا شفنا عقم الهجوم ... لان اغلب الاهداف مايسجلها الا لاعبين الوسط والدفاع ...

ماغير سامي من المهاجمين اللي متكفل باهداف الهجوم هالسنة .. الله يخلي لنا( سامينا) ... ويكفيه شر الحسود ...


<==== طلع عن الموضوع وابعد ومامعه قارمن يرجع له

تحياتي للجميع