نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ||كأس الإتحاد الإنجليزي دور الـ 8 - The FA Cup || فابيو وروني ياخذون المان للنصف نهائي ، والكوري خطف تأهل بولتون، والمان سيتي وستوك الى نصف النهائي||

الهلالي 11 · #7 13/03/2011, 02:39 PM

^
^

سؤالي هنا .. ما دام فيه نسبة لا باس فيها من مشجعين ارسنال عارفين ان فنغر سياسته غلط .. وعارفين ان النادي ما يدفع .. وعارفين ان الاداره مستانسين على فنغر لان مشروعه بالنسبة لهم مربح ومفيد جدا في تسديد ديونهم .. وكل سنه نفس الموال اول شي منافسه على البطولات بعدين دورهم اخر الموسم ؟! .. دام الكل عارف هالشي ليش تحط الخسارة على التحكيم والحظ وارض الملعب مايله والجمهور غشاش و و و الخ .. ومستحيل واحد يقول خسرنا لان فنغر غبي ؟! هذا الكلام كل مشجعين ارسنال عارفين ان سياسة فنغر غلط لكن دائما يكون مصر انه يتحجج بالهزيمه بشي ثاني وهو داخليا مقتنع ان كلامه مو صحيح ؟! ياخي المدرب واضح ان هذا نظامه وعقله يا اما تكملو معه وانتو ساكتين وكل اخر موسم جيبو صور لاعب وحطو له قلوب انت بطولتنا الوحيده هالموسم ... او خلوكم منطقيين وانتقدوه وقولو ان هو سبب كل شي ؟! ...

بصراحه كل المانشستراويه متفقين على اسلوب الارسنالاوية المستفز .. كل شي قالو الاتحاد المانشستراوي ... وبعد كل مباراة فتحو الفوتوشوب وخلو الحكم يطقم معنا ؟! كان ما احد يغش الا المانيو مدري والله نظامكم عجيب ما عمركم اقتنعتو ان الخلل كله في الادارة والمدرب والاعبين حتى ؟! ... لاعبين صغار ما عندهم عقلية الفوز ؟! شف ارسنال من خسارة برمنغهام بالكاس وهو مدحدر لان كل لاعبيه ما عندهم عقلية انك تفصل الشغلات عن بعضها .. النفسيه تكون تمام .. وغيرها حكي كثير ؟! كل موسم يطلع لاعبين شباب وفنغر يبيع لاعبين من النادي .. ويبدا يجدد من اول وجديد كل مرة يرجع من نقطة الصفر في رايي .. يوم تهور وسوى فيه بيلخمنا بلاعبين خبره عشان يطعم فريقه فيهم وقع مع سلفستر

شف سياسة فيرغي له فترة واحنا زعلانين من سالفة ان فيرغي ما يوقع مع نجوم والى الحين ننتقد فيه هالشي وكل ما خسر النادي بسبب انه ما فيه بديل مناسب تكلمنا عن هالنقطه عن فيرغي ما جينا نقول شف لاعب الفريق ثاني ناظر لاعبنا بنص عين وخوفه والا شف الحكم ابن الكلب ؟! .. بالمقابل فيرغي يجيب لك نجوم شباب بس ما يسلمهم موسم كامل مستقبل الفريق .. بالتدريج لين يثبتو اعمارهم ؟! .. اما فنغر يجيب لاعبين شباب طول الموسم اساسيين وهم مستاوهم مش حالك .. وما عنده الا مثلا فان بيرسي وفابري هم اساس كل شي ... لو واحد منهم مصاب ويمديه يسلك يلعبه غصب ما عنده نظام اكرش الاعب خله يتعلم .! شفنا فيرغي كرش اكثر من نجم بالفريق احتياط لين تعلم انه يا تنعدل يا انقلع .. اما زي بيرسي معتبر نفسه النجم الاول للفريق وهو وفابري سبب خساره الارسنال قدام البرشا .. ومع ذلك كان فابري وفان بيرسي واضح انهم ما هم متعافين من الاصابه بس خلاص غصب بلعبهم .. هالشي يخليك تتاكد ان فنغر نفسه ما هو مقتنع ولا واثق بلاعبيه الشباب والا ما يخلي فابري وبيرسي يلعبون وهو مصابين ؟! ... لا ودايما نشوف انتقاد ان روزيسكي سيء وهو سبب لخبطة الفريق والمدرب يطلعه ويدخل ورقة ناجحه بداله عشان يضبط الوضع وهالشي كل جمهور ارسنال متفقين عليه ؟! .. امس يوم انحشر بالمباراة ومتاخر 2-0 منزل روزيسكي على اساس هو اللي بيقلب الطاولة على المان ويجيب قول زي ايام التشيك 2004 ؟!

المتخصر المفيد ... اي ارسنالي عاقل بيكون ردة فعله بعد كل هالسنين واللي يشوفه انه يطالب بتغيير فنغر وهالشي بيخلي الادارة تتغير والجمهور وكل الناس ؟! ... الثورات في الدول العربيه جابت نتايج منتو قادرين على فنغر ؟! .. القذافي نوع الحشيش اللي يستخدمه اتحداك تلقاه بكل العالم وشعبه كان نايم .. يوم فكرو يقومو عليه شوف الحين وش صاير فيه .. المهم لا اتهور وينقلون ردي لقسم المجلس العام

اذا انتو عاجبكم نظام فريقكم كذا كيفكم خلوكم على هالحال بس لا احد يجي يقول ارسنال اقوى فريق اوروبي وارسنال ما يخسر الا بالتحكيم و و و .. تكلمو بنطقيه وبس

هالموسم بدت التصريفات انه هارد لك موسمنا انتهى ... يكفينا هالموسم بطولتنا هو ويلشاير

.. هذا وجهي ان ما شفت ويلشاير مطقم مع نادي ثاني في 2013 عشان فنغر وده يبيعه ويستفيد من فلوسه بمقاضي للنادي ... بـ نفس الموسم جماهير ارسنال بعد ما تطلع من كل البطولات تحط قلوب لـ تيشزني الحاري وتقول هذا بطولتنا ؟! مدري تلعبون على مين ؟! فريق كله شباب على عيني وراسي ... لازم يستمرو مع بعض سنين عشان لما يتشبعو بالخبره يصير ما احد يقدر لهم .. فاهمين بعض من الصغر وموهوبين واستفادو كثير من احتكاك المباريات الكبيره ؟! ... شف عناصر مدريد .. لو مدريد يثبت على تشكيله وحده 3 سنوات اقسم بالله اضمن لك يطقط على برشلونه بالراحه ؟! بس مدريد كل سنة مدرب وكل سنة 5 لاعبين جدد ما فيه تفاهم ولا تجانس ؟! ... مدريد فريق الملايين ما قدر يسوي شي ارسنال بالتشكيله هذي وعقلية فنغر وتبون الرباعيه .. يله طسو بس <== خربت الاخلاق

طولت انا ... المختصر الحقيقه بانت للكل حقين ارسنال وغيرهم ... مشكلة ارسنال هي فنغر وسياسة الاداره .. لاعبين صغار ما تلومهم انهم ما عندهم عقلية الفوز والتعويض و و و .. لومو اللي تبغو بس لا احد يجينا بكره ملبس خليل جلال فانيلة مانشستر ويقول هو سبب ضياع الدوري ؟!