السلام عليكم ورحمة الله وبركاته
رحت امس اصلح السوني 2 حقي في احد محلات الرياض
حطيت الجهاز عنده وقال اتصل علي بعد نص ساعه واقولك الخراب وكم قيمته اصلاحه
<<<<< خويكم جالس ينتظر على احر من الجمر لاني من فترة مالعبت الدوري الياباني
اتصلت علي ونزل الخبر كالصاعقه .
نص المكالمة مرسول : سلام عليكم انت عبدالحليم
عبدالحليم : ايوه هلا اخوي كيف هال
مرسول : بخير الله يسلمك هااه كم كلف الجهاز
عبدالحليم : اخوي هادا في كراب كتير ويكلف 400 ريال
مرسول : امعصي يا عبدالحليم انا بجيك الحين وباخذه منك
طووط طووط المهم سحبت عليه الى صباح اليوم الثلاثاء رحت عنده واخذت منه الجهاز وقالي الافضل لك زياده على 400 ريال مبلغ 150 ريال وتشتري واحد جديد 
فكررت وقلت هذا هو عين الصواب المطلوب منكم الحين هو وش افضل نوع للجهاز البلاي ستيشن
الازرق - الابيض - الاماراتي - الياباني - الصيني - الامريكي
اتمنى من اصحاب الخبرة الرد واللي ما عندهم سالفه يضغطون ( الخلف ) 
ملحووظة : اعذروني اذا احد سأل قبلي لا ني منذ مبطي عن منتدى الالعاب الالكترونيه
