اهلين اختي

انا مرت عليا فتره مثل حالتك تمام

كنا ندرس مواد بالعربي وفجأه تغيرة كلها انجليزي بحت ولا حرف عربي

حتى الرياضيات والساينس .... الخ

المهم مستوايا نزل رغم اني كنت اشد حيلي بالمذاكره وكنت تحت ظغط نفسي هائل انا حطيتي نفسي تحته

لاني كنت اشيل هم كل شيئ كل صغيره وكبيره تعبت نفسيا وكنت افكر اكثر من اني اذاكر حسيت ان المواد تراكمت عليا وجاني كم كويز درجاته ماكانت عال كنت مسجل بنادي وتركته علشان الاقي وقت اكبر للمذاكره وندمت طبعا لانه كنت غلطان الوقت كافي بس انا ماعرفت استغله .

ماراح اطول عليك بس بعطيك اللى استفدته من تجربتي.

1- لازم تكتشفين المواد وكيف تذاكرينها يعني حددي طريقه للمذاكره ولا تنسين الملخصات سوي ملخصاتك بنفسك (( العلم صيد والكتابة قيده ) وانتي اذا كتبتي بنفسك ولخصتي بعدين لمن تقرين راح توصل لك المعلومه اسرع .
انا مثلا كنت ألخص واكتب الملخص اكثر من مره واردد صوتي وانا اكتب والحمد لله استفدت .

2- اطلعي على الدروس قبل ما تاخذوها بالكلاس احلا طريقه للتميز ( هذي تخليك بالفورمه خصوصا وانتي فاهمه عن ايش تتكلم المحاظره اما لو مو فاهمه بتكوني مثل الاطرش بالزفه وبالتالي بتطنشين .

3- المراجعه بعد الكلاس وكتابة الملاحظات .

4- اعطاء انطباع جيد عن مستواك .

نصيحه لا تشيل هم ولا شيئ انتي سوي اللى عليك وتأكدي ان الله ما يضيع تعب احد وكل اللى بتذاكريه راح يجي يوم ويفيدك اما في وظيفه او مقابله شخصيه او في مرحله تعليميه متقدمه استمتي بالتعلم وتعلمي علشان تتميزين بالعلم قبل المعدل الدراسي واحتسب الاجر وانتي تذاكري

انا متأكد انك متعوده على التميز الدراسي من صغرك وخايفه لا تفقديه خصوصا انتي بمكان ما احد يعرف انك كنتي مميزه دراسيا والحرص الزياده ممكن يؤثر سلبا على صاحبه

بس تجي الاختبارات راح تجيكم الدكتوره وتقلكم هذا محذوف وهذا معاكم وهذا لا وراح تجيكي تساهيل وتتذكرين انك ظلمتي نفسك وشيلتيها هم وان شاء الله الاختبارات بتكون ولا اسهل منها

توكلي على ربك واذكريه ولا تنسي قراءة القران فهو نور للقلب والعقل

اذا كنتي من جامعة الملك عبدالعزيز في منتديات لطلاب الجامعه تنزل فيه ملخصات ومحاظرات من السنتر صوت وصوره شرح مفصل وممتااااااااااااز جدا راح تفيدك كثير

كل الامنيات لك بالتوفيق

ولهلالنا اليوم ان شاء الله بالفوز

سوري طولت