| طلعت رغد وريوف وريم للمشغل وبالسياره
ريم..تصدقون لمى مو بالعاده تكلمني غريبه
ريوف..والله حتى انا استغربت
ريم..اتصلت علي قبل هالمره ولاطولت لكن ماادري ماارتاح لها
رغد..وربي ولاانا احس هالانسانه مو قادره اتقبلها
ريوف..اصلا لمى عينها قويه ولاتستحي من احد وخالتي ساكته لها
ريم..الله يهديها
الكل ..امين
بالمشغل ..رغد..بنات عجبني هالفستان شرايكم
ريم..الله جنان بيطلع عليك
ريوف..رغوده بدر مابيوافق
رغد..ليه
ريم..صح بدر مايحب الفستان العاري مره هذي مشكلتنا معه دائما
رغد..والله مالي شغل حلوو الفستان
ريم..رغد بدر عصبي ولاراح يعجبه
رغد..بقوله اليوم
ريوف.مابيوافق لاتفشلين عمرك
رغد..نحاول
ريم..الله يوفقك
رجعوا البنات عالساعه تسع وترددت رغد تتصل او ترسل مسج لكن قالت برسل له مسج لكن مختلف
كتبت فيه ..بدر..انا في بيتنا الحين حبيت اطمنك عمري وترددت تكتب عمري لكن تشجعت وارسلتها
وانصدم بدر من الكلمه عمري من رغد قويه والله وقال برد عليها
" اوكي انا ساعه مع سعود وراجع "
شافتها رغد وقالت ..مالت علي قلت الحين بيكتب شئ يفرحني مو عاده يابدر
رجع بدر عالساعه عشر وزياده وحصل رغد بالصاله رافعه شعرها ونازله خصل على وجهها
وببجامه ابيض بأحمر استغرب وقال اول مره شكلها يكون كذا عفوي صح عاش معها سبع شهور لكن مافيها العفويه الي يشوفها
كانت رغد دائما رسميه معه وهو نفس الشئ وكأنهم يعملون واجبات مطلوبه ماتحركها اي مشاعر صادقه منهم
بدر..مساء الخير
رغد..اهلين مساء النور
بدر..كيف الطلعه اليوم
رغد..ماشي حالها ..تعشيت
بدر..الحمد لله
رغد..باعافيه
بدر..الله يعافيك وانتي
رغد..ماني مشتهيه الحين شئ
رغد..بدر
بدر..وكان مركز عليها لاول مره من رجعت له ..ايوه
رغد..زواج سلطان وريوف بعد شهر ونص تقريبا وابي افصل
بدر..امري الي تبينه انا حاضر
رغد..مو هنا المشكله
بدر..بأهتمام اجل وين ؟؟
رغد..وبأبتسامه ساحره..بصراحه فيك انت
بدر..انا شلون .؟؟
رغد..اليوم شفت فستان حلوووو وربي عجبني وبخاطري
بدر..وين المشكله فصليه
رغد..المشكله انت البنات صدموني قالوا انك مابترضى لانه عاري
بدر..وبيده انسي الموضوع عاري لا
رغد..طيب اسمعني
بدر..ليش اسمع وهو عاري
رغد وبحركه عفويه قامت وقربت عنده قالت ..الله يخليك بقولك
بدر..حركتها خلته يوافق ل يسمعها لأنها اربكته
رغد وقفت قباله وقالت بقولك شلون عاري بس لاتقاطني خلني اكمل اوكي
بدر..اوكي قولي
رغد ..وتأشر وهو يبتسم ويقول بيده لا
رغد..بدر بعمل له شال الله يخليك والله حلوو
بدر..رغد قلت لا
رغد..طيب اقولك شئ لحظه وراحت تركض لدرج وكأنها مو مع بدر الي عاشت معه سبع شهور بشكل
ممل وروتيني ..طلعت الغرفه ولبست فستان سهره لونه اسود تقريبا قريب من ناحيه القصه لللفستان الي بتخيطه
ونزلت بدر لما شافها نازله خلاص تجمد مكانه شو هالحلاوه رغم ان شعرها مرفوع بشكل عشوائي لكن شكلها كانت
يأخذ العقل
رغد..شفت هالفستان بدر تقريبا نفسه
بدر..يعني هذا عادي مو عاري بنظرك..؟؟
رغد..لا مااقصد كذا الحين ظهري نصه طالع لكن بعمل للفستان شال هذا اول شئ
بدر..حتى لو عملتي الشال مايكون على طول الوقت عليك
رغد..صح نسيت ورفعت يده وفكت شعرها ونزل على اكتافها كأنها شلال
بدر..عفوية الحركه اعجبته وشكلها كذا كان رايق
رغد..شوف شعري يغطي ظهري يعني خلاص وافق ماتسوى تعبي ولبسي للفستان الله يخليك
بدر اسلوبها معه الي ماتعود عليه ابدا اجبره ....ز..طيب موافق لكن بشال وشعرك ماترفعيه
رغد..موافقه تسلم ياقلبي وراحت لغرفتها وعالدرج استوعبت الكلمه ياقلبي ..ههههههههههه مسكين بدر بيقول شفيها مو صاحيه
اما ريووف فكانت حياتها بعد الملكه حلووه وهاديه سلطان شخصيته حلووه لانه انسان متفهم والاجمل انه حنون حتى عبدالله
اخوه دائما قريبين من رغد اختهم ويخافون عليها لكذا سلطان تعامله مع ريوف كان يغلب عليه الحنان والحب سلطان كان يزورهم من فتره لفتره ويجلس مع زوجته اما مكالماتهم ماكانت تنتهي ابدا تمتد لساعات وكأنهم عايشين بعالم مافيه غيرهم ..
بعد مارجعت رغد لبدر بثلاث ايام تقريبا بدت تحس بالفراغ البنات الدراسه فرضت عليهم نظام معين وخالتهم بالوقت الي تكون
رغد فاضيه تكون عند امها او عند بيت عمها ناصر وامل مشغوله مع ولدها وبيتها قالت بتصل بنوف اشوف اخبارها
رغد..السلام عليكم
نوف ..وعليكم السلام هلا والله رغود
رغد..هلا حبيبتي شلونك وشلون احمد وابو احمد
نوف..بخير الحمد لله انتم شلونكم
رغد..الحمد لله تمام
نوف..طمنيني كيف الحبيب معك
رغد...الحبيب ساعه يبتسم وبعدين يندم ويرجع يعصب
نوف....ههههههههههههههه لا والله اخوي حبيب وطيب
رغد....ههههههههههههه اكيد اخوك
نوف..لا والله طيب انتي قولي مو حبيب وطيب ..؟؟
رغد.....لا والله الكذب خيبه
نوف.....ههههههههههههههه وينه الحين
رغد..نايم
نوف..وانتي ليه ماتنامين  | 