انا عن نفسي متيم في كوزمين وقلبي يعشقه حد الجنون بل وعشقت رومانيا كلها بسببه حتى رادوي احبه لان فيه من ريحة كوزمين

ولكن عقلي يقولي لا كالديرون أفضل ..

انا وجهة نظري ان كالديرون ممكن يعطي افضل ويحقق بطولات اكثر .. ايضاً بحكم كالديرون خبير بالكرة السعودية وباللاعبين وبالاندية وبدوري ابطال اسيا ..

ايضاً كالديرون يلعب لعب هجومي أكثر من كوزمين .. كوزمين يعتمد على تقفيل المنطقة و الهجوم باقل عدد من اللاعبين

اما كالديرون يلعب 4/5/1 بتوازن .. مايهاجم كثير ولا يدافع كثير .. يعتمد على الوسط .. وهذا اسلوب يناسب الهلال ..

صحيح كالديرون ضعيف شخصية .. اللاعبين مايتحمسون معاه مثل مايتحمسون مع كوزمين اللي يقف على الخط ويشحذ هممهم ويعاقب المتخاذلين .. وله تاثير قوي على اللاعبين

بس كالديرون مدرب ممتاز ايضاً ونتائجة مع الفرق السعودية حتى الآن عال العال .. على أمل ان يقدم أفضل مع الهلال ويحقق لنا آسيا اللي ندعي ربنا ليل نهار نفوز فيها ..

انا اموت في كوزمين وياما فصلت له اعلام وياما حضرت عشانه وياما صممت له تصاميم وبعد اقالته كنت أحزن واحد في بريدة ..

لكن بالعقل وبعيداً على العاطفة .. كوزمين وان فاز وان حقق بطولات مايمتع الجمهور يلعب دفاع .. بعدين المدرب الأوروبي معروف يبيله وقت وفترة على مايقدم مستوى ويبان تاثيره على الفريق .. يعني اذا كوزمين جاء لازم يجي من اول الموسم عشان يبدا صح .. اما الحين اكيد يبي يتأرجح الفريق مدة لين يقدم مستوى ..

شاكر لك عالموضوع اللي ذكرنا بابو الكوز وايامه ..