نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

M A D R I D · #13145 08/03/2011, 01:34 AM

إقتباس

الرسالة الأصلية كتبت بواسطة البلانكو10


	يحيى خخ الله يخليك ! .. مهو انا الي شويه منطق .. الا انت الي بالله كثر من المنطق خخخ ! .. وش الي رقميا خخ الله يجزاك بالخير خخ .. وبعدين وش شغلي فيك يوم انك تنسف هيغواين الله يصلحك ! .. يعني مستواه بحسب نسفك خخ .. شويه منطق خخخ ! .. كل الي اقوله ان البنز انت خسفت في سابع جد له وكأنه فوبير الي يشبهك خخخ وهو مايستاهل ! .. صحيح الولد بارد ويبيله حرق ! .. بس الي يقدمه الان يستحق اننا نشيد به وحتى بتغيره البسيط ! .. من بعد اصابه هيغواين او بالاصح بعد قدوم اديبايور والاعب قاعد يقدم مستوى كبير وقاعد يسجل ! .. صح انه خارها قدام الديبور خخ .. بس مالها داعي نتكلم عن الخوران خخخ وخاصه ان عندك لاعبين ياما خاروها وخاصه صاحب الرقم المرعب خخخخ ومع كذا موقفين معه لاننا واثقين بأمكانياته ! .. انا ماعلي من سهوله الهدف خخ ! .. لكن الولد سجل ياخي ! .. وبعدين مهو هدف الا هدفين ! .. طيب الهدف الي حط لنا قدم بنهائي الكأس الي قدام اشبيله ؟! ! .. هذا انا اسجله ولا لا هههه ؟! .. انت تقول غوتي قال بمسح به الارض خخ وانا اقولك الاسبان وصحفهم الفله مسمينه الكراك ! .. وانا اشوف انه صدق كراك خخخ ! .. رضيت بكيت انسدحت ماتبي ترضى بس الولد قاعد يفك لك عقد ياخي خخ ! .. حط لك قدم بالنهائي ! .. فوزك في ملعب الظاهر على ايام ماكان راؤول لسه فيرجن خخخخخخ ! .. وحط لك قدم للتأهل من الدور اللعين خخ .. كراك ياخي حتى ولو كرهته خخ ! .. هههههههههههههههههههههههههههههههههههههههههه ! .. خل راس فوبير بعدين نتفاهم به خخخ ! .. ياخي الموسم الاول الكل شاف الوضع ومايحتاج نتكلم عنه وعن الفرص الي جاته لاننا بنظلمه ! .. لكن الموسم ذا ! .. صحيح جاته فرص ماستغلها لكن الحق يقال انه قاعد يستغل الفرصه الاكبر له الان ! .. واتكلم عن الفرصه بعد هدفه قدام اشبيله وجيت اديبايور ولكن رجع واخذ ثقه مورينهو بهدفه قدام ليون ! .. الولد الى الان قاعد يستغل فرصته خخ ليه نستلبد له على الفرص الي مااستغلها ايام وقت اصابه هيغواين مباشره وايام ماكان بارد صح خخ .. الولد بدا يستغل فرصته وبدا يفيد الفريق في اهم مرحله للفريق حاليا ! .. وهذا غير انه صاير طماع الجزائري وشويه حار خخ ! .. الولد تحسن خخ يعني ماايحتاج ولا يستحق النسف الي يصير منك ياخي وخاصه حاليا خخخ انا معاك والله في موضوع انه ماايسجل بقدر الفرص الي تجيه ويحرق الدم احيانا خخخ ! .. بس ياخي فريقك كله كذا يفقع القلب في الموضوع ذا ! .. يقعد يضيع يضيع يضيع يضيع بعدين يسجل ! .. نمسكها على البنز بحاله !؟! .. قويه شوي خخ .. صح انه مهاجمنا والمفروض مايرحم بس برضو خخ وخاصه اذا كان مهاجمك الاول هيغواين خخخ بالنسبه للأعتذار الرسمي جهزه من الان خخ .. وزيد عليه اعتذار لكاكا ! .. < لا تسال بس باقي متفائل بعوده الكبير البرازيلي هههههه ليه ماسك على الكرت الاصفر خخ .. لا يكون انت واحد من اعضاء شرف نادي النصر الي صفقوا للحكم على كرت رادوي خخ .. انا يوم تكلمت يااتسبدي ياايحيى عن منطق التقيم بحسب المبلغ ( الي ماكنت موافق عليه اصلا ) .. تكلمت عن كريس وعن المبلغ الي جاء فيه وانه ماقدم شيء الى الان يستحق المبلغ المدفوع عليه الي هو 96 مليون ! .. وخاصه انك انت تقول اننا انزرفنا ب 30 مليون عشان مستوى البنز الي يقدمه خخ .. طبعا مااركزت لا على عامل الموهبه ولا الفكر ولا حتى العمر الصغير للبنز والي قادر انه يتعلم في السن ذا ويطلع افضل ! .. وبعدين المنطق الي ذبحتني فيه خخخ ! .. وشلون يكون منطق اننا نخاف من كرت اصفر يعني انه يستحق ال 96 مليون خخخ ! .. عموما يااحبيبي ياايحيى .. انا والله احبك .. بس انت تكره الاعب ياخي ! .. لا تخلي الشيء ذا يعميك خخ .. ياخي هيغواين كان قاهرني خخ .. ومع كذا باقي اشوفه المهاجم الاول لمدريد على حساب البنز ( مع العلم انه كلهم كفكره عامه الى الان مايستحقوا قياده هجوم الريال على مستوياتهم الحاليه خخ ! ) .. ابو اصيل خخ ! .. لا اشوفك وقت سقوط سليم بس خخخخ ! ..

جهاد خخخخخخ مهوب منك والله من هاللون الأزرق
ياصاحبي انا ببداية كلامي قلت لك هيجواين اللي كّلن يلعن ويطعن فيه < خليتها لك حمراء عشان تشوفها .. وقلت لك انا من اول الناس اللي تلعن فيه .. ركز ياخالي خخخ ماقلت اني وحدة قياس اللاعبين

وبعدين انت قلت بأنه له اليد الطولى < كيف ؟ خخ اليد الطولى بالهدف .. وانا حطيتك أنت كمثال لااكثر هههههههه انك ممكن تسجله مش عاد لاعب محترف
وبعدين ياصاحبي واذا قالوا كراك قلنا قدام ؟ هههههههههه ياخي انا اشوفه معوّق ولاينفع ولافايروس

وبعدين وش اللي حّد مورينيو انه يضغط ع الادارة تجيب رأس حربه ؟ .. لاتقول لي نفسياً يبي يخلق منافسه ؟ لاعب له اكثر من شهرين ثابت اساسي وانواع الحموضه .. ويوم جاء اللي احمض منه لعب اساسي على حسابه .. لان مورينيو يدري ان مابالثوب احد وبعدها حسينا انه صار كويّس وعاد البنز الكبير خخ

.. ماانكر انه تحسّن نوعاً ما .. لكن مازال نفس الحموضة السابقة وبتذكر كلامي بكرة لاخنبق وبديت تشتمه بجميع انواع الشتايم المصرية منها والسعودية

بالنسبة لمنطقك الجميل خخخخخ .. انا حاولت ابين طرّف الفكرة وتوقعتك تفهمها

انا مااختلف معك بشأن الاسعار . مافيه لاعب في العالم يستاهل تدفع فيه 96 مليون .. لكن لو حسبتها من مبدأ ان البلف زرفنا هو وكالديرون في 30 ..واللاعب نجم الفريق الأول .. والابزر في العالم ومعضل وووسيم وفوق كذا في قمة نضوجه الكروي وتطقطقها في مخك المعفن هههه

وتقول كاكا جاي بهالمبلغ .. بتفرق معك .. لكن لاعب يجيك بـ 30 مليون وسنة ونص عشان يتأقلم ويحتمي يلعن ام المكينة الديزل ياخي ههههههههههه مش ممكن

بعدين كريس ياخي قوي مرة
كريس أهم لاعب في ريال مدريد من وجه نظر الكثير من متابعي الريال ان ماكان اغلبهم .. وانا منيب منهم
لما تخاف على لاعب انه مايشارك قدام ليون .. فأنت عارف قيمته .. لكن لو كان المهدد بالإيقاف البنز , راموس , اديبايور , دي ماريا , ياشيخ حتى تشابي الونسو او اوزيل .. مابتشوف الجماهير متخوفة زي ماتخوفت على كريّس .. وهذا يثبت لك قيمة اللاعب كـ مجمل عام للفريق
هداف الفريق بفرق هدف عن هيجواين وهداف الفريق في الأبطال العام .. وهالسنة هداف الفريق
ياخي عيب احكي عنه

.. يكفيك ان كريس اساسي في كل المباريات لأهميته في حين ان بنزيما ينلطع زيه زي الكرسي في الاحتياط ولاعنده فيه مورينيو خخخ < لزوم امشي معك بالخخخه

مع ان مالها داعي ههههههههه

جهاد .. ترى عادي ترد واسحب عليك شهرين خخخخ مهوب والله اني ماهمني كلامك او اني ماابي ارد او كذا .. لا والله ياحبي لك انك غالي

.. لكني عجّاااااااز .. هذا يخليني اسحب و ماأرد .. والا دايم والله ودي ارد واشارك بالنقاشات وكذا ... فالعذر لو سحبت

أبواصيل يابعدي .. زي ماتعرفني هذا انا شخصيتي وحده سواء هنا او برا
مااحب ألبس اقنعة المثالية واتزيّف وغيره انا هنا أكتب واتكلم بأريحية كأني جالس بالاستراحه معكم ومع العيال ..لكن لو كان كلامي يضايق احد الله لايجيب الزعل ونعتذرلكم وللجميع

ابوتولين الغالي .. والله اني دايخ والرد عليك يبي له قرن من الزمن

ان كان اموري تمام بكرة ان شاء الله بجي واناقشك بالموضوع .. والا اعتبرني موقوف هههههه

تصبحون على خير