نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - كوزميـــن هل هو خيار مناسب ( اتمنى من الكل المشاركة )

هلالية بنت هلالي,, · #1 07/03/2011, 03:58 PM

السلام عليكم ورحمة الله وبركاته

صباحكم / مساءكم " معطر بنفحات الإيمان "

قبل اسبوع تقريبا سمعت خبر ان الاهلي بيتعاقد مع كوزمين وتطقني ذيك الغلقه ما اتخيل كوزمين يناقز ويطامر ويشتط وهو لابس شعار الاهلي

ومن عقب ذا الخبر وانا اقرا وادور اخبار الاهلي لعل وعسى ان كوزمين يرفضهم ..
والحمدلله رفض عقدهم

والحين كل اللي نبيه من ادراتنا الموقره انها تكرش كالديرون وتجيب لنا كوزمين
لان بصراحه كالديرون مب طموحنا احنا يا الهلاليين .. اجل ذيك المره ملعب الشلهوب محور وعزيز احتياط

وغير كذا خسرنا اول مباراة في اسيا وتعادلنا في كم مباراة سخيييييفه في الدوري ..
النقاط قاعده تضيع مننا زي السلام عليكم

ليش كذا ليش ؟؟؟

ادرتنا العزيزه : في عهد كوزمين
1/ كم خسرنا من مباراة ؟؟

2/ كم حصدنا من بطوله ؟

<< تذكرت يووم يقيلوونه حسبي الله ونعم الوكيل

3/ تعاقد النادي مع رادوي افضل محترف في الدوري السعودي وانا اساويه مع ريفاليونو

4/ زاد عدد اعضاء شرفنا بتسجبل كوزمين من ضمنهم ..(بالله عليكم عمركم سمعتوا عن مدرب صار عضو شرف للنادي اللي يدربه !!
وهالفعله ان دلت على شي فأنها تدل على حبه وعشقه للنااادي

5/ في عهد كوزمين ماتجرأ النصر انه يفوووز علينا اما الان فغير مستحيل ان النصر يفووز طبعا مب قوتن فيهم لا بس تخبرون اذا لعبوا ضد الهلال كأنهم يلعبوون على بطوله بس ناقصهم الكاس

كل اللي عددته فوووق قطرااات من بحر في عهد كوزميـــن ...

فـ يا رئيسنا المحترم

تكفــى ترى تكفى تهز الرجاجيل << كنت اول اقولها لابوي عشان يوافق اني اغيب

اعد لنا كووووزميــن
نبغى بطولـه اسيا وهي شكلها مهب جايه مع كالديرون ..الي هذا اوله ينعاف تاليه

اخيرا /
تصاميم بسيطه صممتها لكم يا اعضاء الشبكه .. وخليتها بدون حقوق عشان تحطونها في تواقيعكم لعل وعسى يرجع لنا كوزمين يوماً ما

1

2

بانتظار خبر التعاقد مع كوزميـن

دمتم بعافيه

خارج النص / اوصفوا لي مكان متجر الهلال وجزاكم الله خير