السلام عليكم

محمد يعطيك الف عافيه يالغالي

ساها حسب كلامه راح يكون جاهز للقاء تشلسي الاربعاء القادم

وانا منتظره .. بصراحه .. هو الوحيد اللي يقدر يعوض من غياب الرود

=============

سوبر .. اقسم بالله جاي وببالي اسال عنك

الحمدلله على السلامه يالغالي انت معصب شوي

ومريت بهالحاله وانا ببدا اعكم على قوله اللمبي على كم نقطه

اولا .. التشرد الإطفالي .. امزح وربي يالغالي .. بس ما صدقت رجعت لنا

المهم اذا كنت مخلص اختبارات مالك عذر تتركنا مره ثانيه وتغيب هالغيبه

بصراحه غياباتكم كثرت والله يرجع الشباب بالسلامه .. بسم الله

إقتباس والله اشتقنالكم ومناقشاتكم الحلوة وانا بتكلم بصراحة واتمنى محد يزعل من كلامي والاهم من يقنع الاخر برأيه.

افا .. ولش نزعل .. هالرابطه ما وجدت الا للتعبير عما بداخلنا واي وقت قل اللي تبي

وانا فقدتك صراحه وفقدت نقاشاتك المميزه

إقتباس والله مدري وش اقول بعد مباراة توتنهام بصرااحه مهزلة المستوى اللي قدمه اللاعبين وخصوصا رونالدو وسميث وكارول صاحب الوجه الطفولي الله يحرمنا منه.

والله ياخوك مدري .. اضحك ولا ابكي .. الحال مايسر .. بس بجيب لك كم تبرير

من وجهه نظري قد تكون سبب للعقم الواضح وعدم التهديف في مباراه السبيرز

اولا .. غياب الرود .. اللي كان عليه كلام منك .. بان تاثيره .. كذلك غياب المهاجم اللي يقدر

يعوض بعضا من الرود اللي هو ساها وبعودته باذن الله راح يرجع الهجوم الضارب متأكد .. سميث

مرهق وقالها فليشتر اثناء استضافته في الام يو تي في بعد مباراه السبيرز .

رونالدو .. عزيزي كلمه ابيكم تفهمونها .. رونالدو ماهو اللاعب اللي انا اعول عليه انه يجيب لنا بطوله

او ينهي لنا مباراه .. اللاعب صغير ويبيله صقل وتجربه وهذي تجي مع مرور الوقت وتاكدو متى ما وجد

الاهتمام والرعايه بتشوفون اللي يسركم منه بس مو الآن .. كذلك اللاعب مرهق من المشاركات

ايضا امس في المقابله في الام يو تي في قال لم اتاقلم مع الجو العام هنا .. كارول فوزنا كان يغطي

على اخطائه وهذا اللي خلانا نتغاضى عنه .. غلطته امام اتلليفر اولا هو واوشيه .. امام ليون

وغلطته الاخيره .. وانا واثق ان السير متى ماحتاج حارس ما راحخ يقصر وعندي امل بـهاود

ولو انه ينقصنا حارس سوبر ستار واتمنى ايزاكسون حارس السويد أو هيلدبراند حارس شتوتغارت

او على الاقل تولدو ... وكلي ثقه بالسير ومن يدري يمكن بكره يفاجئنا بخر تعاقده مع حارس متمكن.

إقتباس رونالدو ماقدم شيء في الجهة اليمنى فكيف نقنع انفسنا انه بيقدم مستوى بالجهة اليسرى .

تدري ليش يالغالي ؟؟؟ انت تشوف كيف مستواه مع البرتغال .. ومستواه معنا السبب واضح

مع البرتغال سولاري يعيطه حريه اكبر ويتحرك في كل ارجاء الملعب وشف وش قال امس بالمقابله :

رونالدو يريد ان يشارك في وسـط الملعـب وخلف لاعـب يكون رأس حربه ويأكد انه سعيد في الفريق وانه يتعلم من رايان غيغز وروي كين .

" لا أفضل مكان على آخر , سواء اليمن أو اليسار .. انا سعيـد فقـط لأنني ألعـب و أحب اللعـب خلف المهاجم وأسلوب اللعـب الذي أريده لا يناسب طريقه لعب اليونايتد , أحب ان العب بحريه لكن لدى المدرب الاعبين المتخصصين لـ هـذا العمـل "

اتمنى اننا نرجع لطريقه 4/5/1 .. تذكرون العام كيف كان مستواه .. السبب خطه 4/5/1

بس المشكله بالمهاجمين اللي عندنا وش نسوي فيهم !! والسير ادري واعلم بالفريق وخباياه

ولا تغفل الاسباب الي ذكرتها فوق

إقتباس الحارس كارول ماأذكر افاد الفريق بجميع مبارياته باستثناء تصديه لكرة تيري هنري الانفراديه في مباراتنا ضد الارسنال وغيرها ماشفت منه شيء .

حرام عليك يالغالي .. مهما كان .. بصراحه قدم مستوى جيد في كثير من اللقاءات

وارجع لمباراه استون فيلا وشف من اللي انقذنا .. رجاءا لا تنسفون مجهود لاعب بغلطه

صحيح انه يغلط بس انقذنا كثيررر .

إقتباس **والله مدري كيف بنقابل الميلان وهذا مستوانا الله يستر بس ماتكون تاريخيه خاصة وحراسنا مايقصرون في مثل هذي المواقف.

حبيبي .. انا واثق بالفريق .. وماني خايف لا من ميلان ولا غيره .. اذا عندهم سيدروف وبيرلو

وغاتوزو وشيفا .. عندنا ريو وسلفستر وكين وسكولز وغيغز ورود .. انتم تطمنوا ولا تزعلون

علشان نقطتين ضاعت .. والامل والثقه موجوده بالفريق .. وباذن الله بشوفك بعد المباراه نفرح

سوى يا غالي

إقتباس هاينزه يرحم والديك ارفع كووره صح لو مررررة ترا رفعت ضغطنا .

هذي مشكلتنا .. اذا اللاعب غلط غلطه .. نسينا اللي سواه قبل .. عزيزي

هاينزه افضل صفقه جلبناها هذا الصيف .. تخيل معي انك تلعب بأوشيه أو فورتشن ظهير يسار

وش تتوقع ؟؟ .. الجواب لك .. على فكره .. هاينزه قتالي وحماسي ومخلص .. اقسم لك بالله

مره كان عندي واحب ما يتابع لا مان ولا غيره بس قلتله ابي رايك بهاللاعب تدري وش قال ؟؟؟

قال هذا اكيد صارله 10 سنين مع الفريق .. شفت . ذا وهو ما يتابع .. هاينزه لما كان يلعب مع

باريس سان جيرمان .. ان يلعب قلب دفاع واحيانا ظهير يسار .. مع التتانغو يلعب قلب دفاع

واللاعب مع ذلك ماهو مقصر

إقتباس بالترتيب : الريو + كين + جيجز + سكولز = هم المؤثرين في نتائج المان ويلعبوون بروووووح والبقية مانفعونا وخيبوا الظن فيهم وخصوصا روووني وسميث ورونالدو ... وننتظر ساها بس بعد ايش بعد ماطار الدوري .

شوف .. بعد مراجعتي لجدول الدوري .. ومباريات البلوز خصوصا .. رجع لي الامل

يا غالي .. بيقابلون البرسا اوكي .. بعدها بيقابلوننا في الأولدترافورد .. بعدها مع القنرز

تخيل خرجوا من الشامبيونز + هزمناهم + تعادلوا مع القنرز .. فكر فيها وتعرف فيه امل ولا لأ .

إقتباس اكثر شيءيرفع الضغط انك تشوف هاللاعبين يطيرون يمين ويسار والانديه تتسابق على التعاقد معهم ونادينا ورئيسنا الحلو قاعد يتفرج ويقول نحن لسنا بحاجة الى لاعبين يااشيخ انقلع بس.

اذا بغى السير لاعب جابوه لا تخاف

إقتباس شبااااب بصراااحة هل تتوقعون ان نقف في وجه الميلان ( شيفا كريسبو كاكا )ونفوز عليه وقبل ماتجاوب تذكر ان الحارس هو كارول .

7
77
777

حبيبي .. انا واثق بالفريق .. وماني خايف لا من ميلان ولا غيره .. اذا عندهم سيدروف وبيرلو

وغاتوزو وشيفا .. عندنا ريو وسلفستر وكين وسكولز وغيغز ورود .. انتم تطمنوا ولا تزعلون

علشان نقطتين ضاعت .. والامل والثقه موجوده بالفريق .. وباذن الله بشوفك بعد المباراه نفرح

سوى يا غالي

إقتباس عموما اتمنى الدوري يذهب للقنرز ولا يذهب للبلوز .

لا يروح للبلوز ولا يروح للقنرز اذا ما كان لنا ;)

البلوز عندهم رئيس اشتغل صح .. مدرب رهيب .. لاعبين اكفاء .. عملوا واجتهدوا

ومن الظلم أن يذهب لغيرهم .. اذا جانا حياه الله بيرجع لبيته واذا راح فهم يستاهلون

لا تنسى من 50 سنه ماخذوه لا تزعلون يا عشاق البلوز

إقتباس قهر اتابع الدوري الان ونحن خارج المنافسة وباقي 16 جولة اعتقد ماسبق مرت على المان ...اااااااااااه يا 99

ليه ليه .. انا كنت مثلك .. رجعت للجدول وشفت ان كل شي ممكن .. الأهم ان نتخطى عقبه

الليفر الاسبوع الجاي وبعدها لكل حادث حديث ;)

========================
=====================

يالغالي سعدت بنقاشك الممتع .. وربي متعه .. بس حط ببالك .. وكل ما زعلت تذكر قبل سنتين

وش سوينا في القنرز قبل 8 أو 9 جولات وكان الفارق 12 نقطه ;) .. ومتى ما حضرت روح

الــ Red Devils مافيه احد يوقف بوجهها لا ميلان ولا تشلسي ولا قنرز ;) .. اتمنى انك

ما تقطعنا يا غالي وباذن الله اشوفك نهايه الموسم سعيد وفرحان ببطولتين على الاقل باذن الله

احدها بطوله كبير .. كل الود يالغالي