السلام عليكم

هكذا تخيلت الحوار بين هذه الأم وإبنها عبر الانترنيت :sad: :sad:


كتبت الأم لولدها الغريب:


ها يُمَّهْ شلونَكْ يلغالي

تسأل عني وعن أحوالي؟؟؟

رسمك ماغايب عن بالي

شلون الغربة ألهدَّتْ حيلك؟؟؟



سولِفْلِي ورد اسمع منك

أنشد جاي ورايح عنك

ناسيني يوليدي جنَّك

هاي أمك انه واشجيلك



ها يبني فراكَكْ هَد حيلي

من بعدك ما نامن ليلي

أندهلك واشهكـَ يا ويلي

شتريد من أمك تحجيلك



فَزَّت روحي تريدك يَمْها

تندهلك تعبانه ارحمها

غيابك يا يمه هاضمها

عيني علباب وتربيلك



أتنطر جيتك يجبيدي

عيدك ادري هذا و عيدي

يوميه انخه يرد وليدي

أشهكـَ للباري وادعيلك



يمته تْفْرِح أمك يبني
وتشوفك لبلادك تبني

وتغفه يَحْبيّب إبحضني

وارجع يوليدي الوليلك



آ يبني وجتاله الفركَه

وشوكت تفرحني بملكَه
كتلتني يوليدي الحركَه

طَوَّلْ يا بعد أمك ليلك



يمه وارد اطِّيك بشاره

لا صدام ولا أنصاره

ولا مخبر واكَف بالحاره

كَلنه للظالم يا ويلك



ماعوفن يوليدي ابلادي

ولا حضرت حيدر والوادي

اعرف حيلك هدّه بعادي

أيس يا يمه ما اجيلك



أنت ارجع لامك وابلادك

جيب وياك علوم أجدادك

وابني الوطن بزود أولادك

لا ترضه غيرك يبنيلك



كل عصريه آنه أتشيل

أكَعد بالفي واتخيل
خبز عروكَـ وجاي مهيل

تطلب مني واسويلك



يا يمه أمك فرحانه

صدام بحفره تعبانه

خايف تتخاذف جيزانه



عادل ربك من يطيلك



ارجع يا يمه واحجيلك

ارجع يا يمه واحجيلك



رد الابن عليها:


باجر يمه أرجع ليكم

شوكـَ محمل كَلبي عليكم

ليليه أتحلم بيكم

شوفو الغربه شسوت بيه



سوت بيه فنون الغربه

عيشه جانت مرة وصعبه

لا أهلي لا ذيج الصحبه

بس احزاني تهيج عليه



تهيج عليه كل احزاني

من اذكر اهلي وخلاني

ليلي كله صبحي متاني

اسهر يحبيبه ليليه



ليليه احلم ببلادي

بذاك الجبل وذاك الوادي

وادعي ربي اطيني مرادي

أرْجعْ للكاع المزهيه



يا يُمَّه أحلف بعيونج

مااكَدر يمه من دونج

بيه لا لتخيب اظنونج

بذراعي كَاعي مبنيه



مبنيه الكاع بدم روحي

يمها والله تطيب جروحي

من اوصلها يبطل نوحي

وترد الضحجه المنسيه


يمه ورداطيج علومي

منقووووول :sad: :sad: :sad:
ومشكووووور