نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - حقيقة ما حصل من شغب في معرض الكتاب ! ستنصدم .

الـمـشـاغـب · #10 05/03/2011, 10:40 AM

هلا بك يا جليس الساحة ..
حتى نكون منصفين , التهجم والله أعلم فيه تهجم على وزير الإعلام من بعض الهمج ..
لكن الإعلام والليبراليين استغلوها بكل خبث , وقاموا بالتدليس بأن وضعوا صورة الشيخ في أعلى الخبر دون تعليق تحت الصورة !

عموماً ما علينا .. أنا داخل أرد بس على التوري بوري المسمى بالصخرة :

إقتباس

الرسالة الأصلية كتبت بواسطة الـصـخـرة


	كل الصحف تقع تحت سيطرة اللوبي الليبرالي الذي استشرى في المملكة بشكل فظيع بعد وفاة الملك فهد رحمة الله عليه

هذا إسقاط يا أستاذ أبو صالح؟ وإلا قلتها عن حسن نية؟

عموماً أنا دايم أسمع هالجملة كثير .. وبصراحة تستفزني جداً لأن فيها ظلم للآخرين !

إذا كنت تشوف الليبراليين أو الشيعة صار لهم صوت بعد موت الملك فهد الله يرحمه , فترى مش لحالهم ! حتى أنا وأنت والعلماء والدعاة صار لنا كلنا صوت وصرنا ننتقد الوزير الفلاني والمسؤول العلاني بصوت عالي مسموع !
أما قبل كذا .. كنت تقعد مع أبوك في المجلس لحالكم في الطابق الثاني والأبواب مقفلة عليكم وحارتكم فاضية مافيها مخلوق ! ومع هذا لما تسأل أبوك مثلاً: وراهم محاصرين العراق؟ .. تلقى أبوك يتلفت يمين ويسار فوق وتحت ثم يسطرك بكف ويقول تصدق منتب ولدي؟ حنا لقيناك بالشارع زمان وأخذناك وربيناك والحين ضف قشك !!!!

هذا هو الوضع سابقاً , والحين الكل صار يتكلم أنا وانت والليبراليين والشيعة والسنة وغيرهم !
ادخل اليوتيوب وتلقى الدعاة والعلماء يتكلمون بدون ما يرجعون للملك أو يطلبون موافقته على رأيهم ..
الوضع تحسن الحمدلله في السعودية .. حتى على مستوى الرياضة يا أبوصالح صار الكل يتكلم وأنت أخبر مني بكل هالأمور ..