اخي الكريم طرح هذا الموضوع ينم عن عقليه كبيره لديك
بس لايصير بحث عليك
وبالنسبه لموضوعك

انا ساتحدث عن جامعة الملك سعود لمعرفتي بها
فاعتقد انه لايوجد بها مزايا والعيوب عد واغلط وبعدين من يوم مسك الجامعه الفيصل
ماعمره اصدر قرار فيه مصلحه للطالب
كل القرارت اول ماتسمعه تجيك الصيحه
اما اذا بتعرف مزايا التعليم العام امسك طالب متخرج من الثانوي وخله يكتب جمله صحيحه باللغه الانكليزيه

3 )اما بالنسبه للتعليم العالي انصدمت اول مادخلت الجامعه حتي اني اول ترم انتهي وانا مادري وش السالفه للحين

4 )اما بالنسبه للاكثر صعوبه اكيد التعليم العالي وخاصة اول سنه وخاصة في الكليات العلميه

5) والله من دكتور ومعيد انجلد بسبة هالحركه

6) والله لو تنط مانجحك وبعدين لو بتشتكي عليه
والله من التعقيد اول شي لازم تدفع فلوس للجامعه ثم يجبون ورقتك ويجيبون دكتور ثاني خوي الاول ثم يحطللك نفس الدرجه اللي حطه الاول بالمقاس

7) يحليلك ضحكتني وانا اكتب اكيد العالي
تدري ان بعض الدكاتره يزعل عليك اول اسبوع في الترم ويقولك خلاص لاتجي ساقط انت
يعني لو تكرف بالليل والنهار مانجحت حطك براسه وكثير هالضحايا من هالنوع خاصه اللي يستخفون دمهم بالمحاضرات
وفيه دكتور يقولون مسك اوراق الاختبار حقة الطلبه ماعد اثنين جيدين وحلتهم فوق راسه اللي جت ورقته قدام
نجح واللي جت ورقته ورا سقط

8 ) والله من المواقف بالجامعه
اول شي اسوي زحمه واروح للدكتور واقعد انا قشه واخر شي ابلع العافيه واسكت

9) المناهج الدراسيه حشو وتعبيئة معلومات علي الفاضي

10 ) اما انا استفدت الاساسيات في تخصصي فقط اما العميق مادري وش السالفه

11 ) اما نظام الساعات اللي بالجامعه اعتقد ان الهدف الوحيد منه هو تاخير تخرج الطالب اقصي مده ممكنه
من كثر مايحبون يبونا نقعد عندهم اطول وقت

12 ) اما الكتب الدراسيه فاعتقد اخوي ان معظم الكتب اللي يطلبونها تكون للدكتور نفسه وبعدين قاعده
اذا كان الدكتور اللي مألف الكتاب هو نفس الدكتور اللي يعطيك الماده لازم تشري الكتاب والا اعتبر
نفسك ساقط
وبعدين اخوي كتابك هو اللي يشرحه الدكتور في المحاضره يعني ادرس اللي يعطيك بالمحاضره بس
ولايهمك قوله ادرس الكتاب وهذا شي مهم لاي طالب يدخل الجامعه لازم يعرف هذي القاعده

13 ) من ناحية ماتدرس الا عند الاختبار تختلف علي حسب الماده وعلي حسب تركيزك بالاختبارات وعلي
حسب الدكتور وعلي حسب ذكائك

14) بالععكس النوع هذا هو احسن نوع تعال واضحك معه واذا حصل تخدمه وحط النجاح بمخباتك

15 ) المرونه علي حسب الشخص نفسه يعني ماله دخل بالجنسيه بس عيب الاجانب انهم يخافون

16) فعلا كلامك صحيح وحتي السعوديين عندهم نفس النقطه وهذا دليل علي استفادتنا من دراسة التعليم العام

17 ) اقول اخوي حنا ماطلعنا علي كتب الماده نفسها عشان نروح ندور غيره
اخوي خذ وخل يعني لاتدقق بكل كلمه يقولونه

18 ) تري علي الحفظ علي عماها ينجح واسأل اخوانا في الله المصاريه