نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

غضب الرومان · #1 03/03/2011, 02:06 AM

ما اجيد المقدمات

اول شي هارد لكم على الهزيمة الغير متوقعة

>>> ندخل في الموضوع

شباب انا اكتشفت بعد مباراة الهلال وسباهان الايراني ان فيه نااس مسجلين بالشبكة

مايدرووون وش الكوورة .. .. يعني يجيك واحد يحط لي بتوقيعه جيبوا كوزمين وشيلوا كالدي مانبيه

وهم اصلا نفسهم اللي اول ماجاء كالديرون >> دلعوه كالدي

والله شي غررريب صراحة استغرب في مواضيع من ابو سطرين ماانحذفت

.. اذكركم يوم الاحد اذا فااز الهلال قسم بللاه .. لايخللون كالديرون يصير مورينيو ويخللون احمد علي افضل مهاجم بالعالم

هذولا جمهور الفووز اذا فااز الفريق خللوه توب واذا انهزم يبغوون كل شي يتغير

يعني قبل شوي قال شبيه الريح بالحرف الواحد ياجماعة الخير تراها اوول هزيمة

انا ما انكر ان فيه اخطاء على كالديرون وهو يتحمل سبب كبير بالخسارة.

لكن تراه ماقال لماجد المرشدي الحق ويلهامسون!! واترك المهاجم

ولا قال للسديري دخل بمرماك الهدف

يااشباب كبروا عقووولكم تراها مباراة وحدة وبااقي 15 نقطة يعني نقدر نعووض

لحد الان ما ادري ليش في ناس اغب.... يقولون مانبي كالديرون وهو ماخسر الا مباراة وحدة

واصلا في بطولة دبي قلتوا عنه كلام غير طبيعي وانه طلع شباب ورجع لنا كورة قريتس

والحين .. تبون قللعته ؟؟؟ انا اكللم العقلاء فقط فقط فقط

ويلهامسون اول ماجاء وش قالوا الجماهير على طوول رااحوا يقولون خسارة 50 مليون

لااا واصلا من اول مباراة لعبها حكمتوا عليه والحين شووفوا ويلهامسون وين وصل

يعني احمد علي جاء بووقت كان ب مصر... مظاهرات ومشااكل يعني حط نفسك بمكانه

لا تقعد تقول لي هذا لاعب محترف و.و.و.و >> اللاعب انسان مو من كوكب
المريخ!![

وترى هذي تقريبا ثالث او رابع مباراة يلعب اساسي يعني صعب يقدم مستواه من اول 5 مباريات

مقتطفات هلالية.....!!!؟؟؟

1-مثل ماصبرنا على كوزمين وعلى قريتس لازم نصبر على كالديرون مو معقولة مدرب بالعالم يبي ينسجم مع الفريق بالسرعة ذي ؟؟

2- اكثر المواضيع عن احمد الفريدي >> الفريدي لاعب ممتاز بس عليه برووود قااتل يعني صراحة قدام الفتج

ضيع فرصتين ماتنضيع قدام الباب المفروض كالديرون يكللمه عن الفرص اللي تضيع لانها يمكن تضيع مجهود

فريق كامل

3- الجمهور اللي حظر مشكوورين ويعطيكم الف عافية .. الصراحة استغرب من اللي يقول اللي يبي يحظر ويسكت لايجي؟؟

يعني بدال ماتقول ماقصرتوا ويعطيكم العافية ترروح تنتقد واكثر اللي انتقدوا ما احظروا!!؟؟؟ مع احترامي للبطاطي

لكن صراحة الجمهور اذا سكت رئيس الرابطة الجمهور يسكت يعني تحريك الجمهور هو من مهام رئيس الرابطة!!

الصراحة الهلال ماله حظ برؤساء الروابط للاسف!!!

4- في بعض الاعضاء يكتب يقول انا حذرتكم من كالديرون وانا حذرتكم من احمد علي وانا وانا.. وطلع كلامي صحيح

هذولا من الناس اللي تكللم عنهم عبدالرحمن بن مساعد اللي حتى لو هو يشجع الهلال يحب ينتصر لرأيه

عشان يقول شفتوا انا حذرتكم وما استجبتوا لرأيي وشوفو وش صار لكم

>>> والله جمهور غرررررريب

5- محمد نامي صراااحة من زمان اتفق الكثير من الجمهور الهلالي انه مو طموح الهلال

واتمنى من الادارة انهم يرجعون بقرارهم لانهم قالوا لي يونق اخر موسم له مع الهلال

6- اذكركم بعد مباراة الاهلي تلقى اللي انتقدوا المدرب واللاعبين هم على طول يمدحوون ويطبلون ولا كأنهم هاجموا اللاعبين

ادري موضوع مو مرتب بس اعذروني مالي خبرة بالمواضيع

ردودكم وآرائم تهمني

>>صرت رسمي

COLOR="Gray"][/COLOR]