نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطـة عُشـاق الـذئاب‏ ][ 2010 / 2011 ][ Campioni del futuro ||

الغرناطي · #8 01/03/2011, 11:55 PM

ساهي يا قلبي

.. مدري وشلون ردك صار فوق ردي شكل عندك واسطة

أنا متفق معك 100% إلا بنقطة وحده , اللي بعد البيع نشتري فريق جاهز أو جديد ؟
أول شيء أبتكلم عن سلبيات و إيجابيات كل وحده ,

الفريق الجاهز :
السلبيات :
يتطلب مبلغ كبير لا يقل أبداً عن 70 مليون - 100 مليون يورو ( عشان تسوي فريق صاحي )
يتطلب تقنع الاعب القوي اللي بتجيبه أنه يجي لم روما و حالة روما ما تشجع صراحة
يتطلب مفاوض من درجة كبيرة خصوصاً مع ارتفاع أسعار الاعبين أجل باستوري بـ100 مليون

يتطلب أنك تجيب مدرب يعرف يحتوي النجوم اللي عندك و هذي يبيله شنب

الرواتب بتثقل على النادي

الإيجابيات
بيصير عندك فريق خاالع و نجوم كبار كل واحد يقدر يغير مجرى المباراة بلحاله
بتصير عندك مبيعات خياليه لفنايل هالنجوم مع طقمنا الواااو

و بنشوف مشجعين أكثر

بيصير عندك بطولات سريع سريع و بتشوف النتائج بشكل أسرع إن شاء الله
بيصير عندك لاعبين خبره مب أول مره يشاركون بدوري أوربي مثلاً
تقريباً هذا أبرز شي

لو جبت لاعبين صغار جدد ما يتعدون الـ22 و جدد على الساحة
السلبيات
يتطلب أن تصبر سنتين على الأقل لين يكتمل عندهم النضج
يتطلب مدرب يعرف يتعامل مع الاعبين و يصقلهم ( فينقر مثلاً )
يتطلب مدير رياضي يجيد أقتناص المواهب الشابة ( ساباتيني مثلاً )
يتطلب منك المحافظة على لاعبينك إذا كبروا و هذا أصعب شيء

الإيجابيات
بيصير عندك فسحة بالميزانية لأنك منتب صارف واجد يمكن ما تتعدى 40 مليون 50 مليون
بيصير عندك فريق جاهز تقدر تستخدمه لمدة طويلة
بيصير عند الاعب ولاء لك أكبر
بيصير عندك فريق ذو طموح كبير
بيصير فريقك شااب و هذي تكفي

كل طريقة لها سلبيات و إيجابيات مثل ما شفتوا , أعتقد من ناحيتي الأنسب لروما هي الثانية
لأن لو قلنا لاعبين جاهزين مثل باستوري و بال و غيرهم ما تقدر تجيب أكثر من 2 في الصيف
لأن أسعارهم مرتفعة و صعب إقناعهم يجون لنادي بعيد عن بطولات و أوضاعه سيئة مثل روما
هنا مشكلة كبيرة في هذه الطريقة

عموماً إختلاف الأراء في الرابطة يدل على إرتقاء العقول

..
ننتظر رأي أسامة أحس عنده سالفة

بلاكر أزيييك ياخي مشتاق لك