28/02/2011, 10:38 PM
|
 | زعيــم جديــد | | تاريخ التسجيل: 06/08/2006 المكان: Santiago Bernabeu
مشاركات: 29
| |
.
دعواتكم لـ الغالي " Madrid Magic " 
سافر اليوم الى الخارج للدراسه
الله يوفقه وييسر له , ويهون عليه مبتغاه ان شاء الله : )
..
بالنسبه لـ مباراة الديبور ..
للاسف الفريق ما زال يكمل مسلسلاته السيئه خارج البيرنابيو !
لو نشوف المباريات الي لعبها الفريق صح خارج ارضه .. تنعد ع الاصابع .. خصوصا في الليقا
تقريبا " ملقا + سرقسطه + اسبانيول " .. افضل اداء لنا خارج البرنابيو ..
اما باقي المباريات !! , يا ساتر على المستوى و العك الي يقدمه الفريق
لو جينا لـ الضغط .. الفريق عنده سكواد كامل و الاحتياط ما ينقص عن الاساسي في شي
ممكن الحظ + التحكيم , له نصيب من النتايج السيئه لنا خارج الارض , لكن لو علقنا كل شي على التحكيم
والله ما نحصل شي ابد ابد ..
الفريق في الريازور .. للاسف ما ظهر الا في اخر ربع ساعه ..
لو ع الاقل الاداء الي شفناه في الربع الساعه الاخير .. كان في بداية الشوط الثاني
كان طلعنا بـ فوز مؤكد !
محد ينكر قيمة رونالدو في الفريق , ومحد ينكر انه شايل الفريق
متى ما كان في الفورمه / الفريق كله في الفورمه .. والعكس صحيح !
رونالدو يعاني من الارهاق , وهذا واضح للكل ..
كل مباريات الليقا لعبها اساسي , بدون اي راحه
المفروض يرتاح مبارتين ع الاقل احتياطي .. ويعطي مورينيو / بيدرو ليون الفرصه لـ يثبت نفسه من جديد
كم مره قلناها يا موري .. كاكا و اوزيل .. ما ينفعون مع بعض في التشكيله !
لازم واحد يتلحط احتياط للثاني / والمفروض كاكا يكون احتياط لـ اوزيل ..
اي مباراة نشوف فيها هـ الاثنين .. نشوف تخالط وازدواجيه في الادوار
وكل واحد ما يدري وش المطلوب منه بالضبط ,
مسعود ما ينفع له الا مركز صانع اللعب الصريح و بدون واجبات دفاعيه
يستلم الكوره من المحاور وينطلق بسرعته و يصنع لك الكور على طبق من ذهب
عكس لما يلعب ع الجهه اليمنى , الي يبي لها ادوار دفاعيه وهجوميه في وقت واحد
وهالشي اشوفه صعب مره على اوزيل .. كون اللياقه عنده ما تسعفه لـ كل هالامور
الجهه اليمنى , ما ينفع فيها الا لعيبه حقين ركض / مثل دي ماريا
صح مستواه طايح في الفتره الاخيره , لكن ما ننكر انه يفيد الفريق تكتيكيا
بالذات في النواحي الدفاعيه .. نشوف شلون يرجع يغطي " دايري راموس " ويرجع يهاجم
..
محد ينكر قيمة مورينيو الفنيه .. الا شخص " جاهل " !
مورينيو مثلنا بشر .. ما معه عصا سحريه / في يوم وليله يقلب لك الفريق
ويحقق لك الالقاب الي الجماهير متعطشه لها !
مورينيو عطانا الزبده في بداية الموسم .. وقالها ما اوعد الجماهير بشي في اول موسم
الوعد كله في الموسم الجاي
وهذا الشي المفروض تتقبله الجماهير الملكيه .. الصبر على مشروع مورينيو
مع ان جوزيه يقدم نتايج حلوه في اول موسم له معنى , وانت حاط في بالك .. 6 لاعبين جدد + مدرب جديد + فكر جديد
صعب انك تخلق الانسجام بين اللعيبه .. وتخليهم يتشربون طريقة لعبك في اقل من موسم !
هذا ظلم لـ شغل المدرب و لـ مورينيو نفسه ,
مع انه عطانا الزبده في بداية الموسم .. الا انه ما استسلم و يسوي الي عليه وينافس على كل البطولات المتاحه
" الدوري + الابطال + الكاس " .. هـ الاشياء كلها عشان تنافس عليها , عليك تدفع ضرايبها
واكبر ضريبه .. الارهاق والضغط على اللعيبه .. مستحيل تكمل على مستوى واحد وانت تنافس على هـ البطولات !
ما فيه شي خسرناه لحد الحين ..
الكاس و تاهلنا لـ النهائي / الابطال وان شاء الله كسر العقد من نصيبنا / الدوري فيه امل ولو ان الفارق +7
الشي الوحيد الي انمناه من الاداره والجماهير ..
الصبر على مورينيو .. واعطاءه الفرصه الكامله لـ اثبات عمله  |
