نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

عـــ الزعيم ـــاشق · #12802 27/02/2011, 05:09 PM

إقتباس

الرسالة الأصلية كتبت بواسطة ابودحه الهلالي


	بخصوص العمدة ابوعابد عاشق .. انا مثل ما مدحت مورينهو في مباريات .. برجع وبنتقده في مباريات .. ببساطة لان زي ما قلت كرة القدم فوز وخسارة وبمدحه عند الفوز اذا سوا شي .. وبنتقده عند الخسارة اذا كان احد الاسباب .. لان وببساطة نرجع نقول ان مورينهو مدرب كبير جداً ليس سحري او اسطوري عنده اخطاء قد لا يقع فيها اي مدرب آخر !! . بخصوص ليون فتواجده كان مطلب اليوم وموب شرط كل اللاعبين يكون ادوات تكتيكية لك يا جوزيه .. فيه لاعب خلاق يخرج عن المألوف بشئ فيه فايدة للفريق ! ابسألك يا عبدالله بالله ما كان بيدرو ليون لو لعب من بداية المطش ( مورينهو بيريح ديماريا طبعاً ) موب افضل من كاكا الغير مكتملة جاهزيته بدنيّاً ؟ خليك من ليون .. مارسيلو على الجناح او حتى قرانيرو ما كانوا راح يعطونك حلول افضل من كاكا .. كاكا عائد من اصابة ومباراة حساسة مثل هذي ما تلعبه فيها يا مورينهو أظن !! عالعموم مورينهو أخطأ كثير في المباراتين الاخيرة في رأيي .. وزي ما مدخناه على محاسنه .. لازم ننتقده على أخطاءه . لك انت وفارس

ابو دحه

قبل بداية المباراة كنت افكر بأن التشكيلة الأنسب للريال هي التشكيلة الي دخل فيها مورينهو المباراة .. اذكر لعبنا بنفس التشكيلة ضد سوسيداد وهزمناهم ٤-١ وكاكا كان من نجوم المباراة ومرتاح في موقعه .. فا لو انا المدرب وشفت التشكيلة بوجه عام ابدعت في تلك المباراة وكاكا بالذات سجل وصنع وتحركاته كانت ايجابية اكيد راح ارجع واحط نفس التشكيلة ! بس الي فرق امس ان كاكا خيب امالنا وماقدم اي شئ يذكر بالأمس ! امس شفنا لاعب متشتت ذهنياً لايوجد تركيز ابداً وبدنياً ضعيف ولاعب مغاير تماماً عن نفس لاعب مباراة سوسيداد ! وشفنا مورينهو طلعه بدري .. عشان كذا انا ما اشوف ان مورينهو اخطأ في مباراة الأمس لأنه سوا هالشي من قبل ونجح ..

انا ما اقولك لا تنتقده بالعكس احرقه حرق اذا تشوف انه غلطان

بس انا حبيت ابين وجهة نظري الي تختلف عن وجهة نظرك

RMS الجار

المعذرة فهمت ردك بشكل خاطئ

بصراحة انا مع خروج كاكا في الصيف اذا جابلنا حتى ٤٥ مليون بنقول نعمة .. ولا فيها خسارة لأن مبيعات قمصانه والاعلانات دخلتلنا ارباح فوق الي اندفع له .. بيريز استعجل في صفقتي كاكا وبينزيما وخيبوا امله وبقوة .. كاكا ٤٥ مليون بينزيما ٢٥ مليون هذي ٧٠ مليون تكفي انه يجيب اجويرو ولورينتي بدالهم وشتان مابين الاثنان

صبرنا على كاكا والبنز سنة ونص ومابقى شي وتصير سنتين وما قدمولنا شئ يشفع اننا نرحمهم ونقول نبيهم معنا .. اوزيل غطى تغطية تامة على كاكا وعمري ماكنت اتوقع ان اوزيل وكاكا في فريق واحد والجميع يتمنى اوزيل اساسي ! والبنز عاد اخر مباراة خير دليل على فشله

يسجل الصعب ويترك السهل !

هيجواين صحيح انه علة وعاهة احياناً ويضيع فرص رهيبة ! ولكنه يسجل .. يعني اذا مرت ١٠ مباريات يسجل ٧ اهداف فيها ! يغيب عن التهديف في ٣ من ١٠ مباريات وتحس انه عاهة بمعنى الكلمة لكن يرجع يسجل .. هاللاعب توه صغير عمره ٢٢ وقدامه المستقبل واذا صقلت موهبته واصبح مستواه ثابت راح يكون الافضل في العالم .. اما البنز بصراحة انا اشوف انه لاعب فنان مهاري يسجل اهداف جميلة ولكن ينقصه الكثير .. تماماً مثل انيلكا .. وان تطور بينزيما ورأيته بعد ٥ سنوات لن ترى الا انيلكا اخر .. اما هيجواين لو تطور وتقدم راح تشوف انه يصارع روني وفيا وكبار الهدافين في العالم ..

في الصيف نحتاج مهاجم ( لورينتي ، اجويرو )، صانع العاب احتياطي لأوزيل ( مافي اسم في بالي بس يستحسن يكون صغير ويبحث عن اثبات نفسه )، شريك ألونسو ( دي روسي ، سيسك ، شتايقر ، جيرارد )، ظهير ايمن في حال لم نجدد مع بيبي ( مايكون ، ألفيس ) حارس احتياطي مكان دوديك ( مايهم الاسم لأنه ماراح يشمها ان شاء الله

)

بكذا نكون عززنا الفريق بـ ٥ اسماء او الاحتمال الأكبر انها ٤ بما ان بيبي قريب من التجديد .. ٢ اساسيين و ٢ احتياط .. الأساسيين هم المهاجم والمحور والاحتياط هم صانع الألعاب والحارس .. وبكذا راح تنتهي مشاكل الفريق وماراح يخرب تجانس الفريق بلاعبين اثنين فقط بالعكس راح يصير اقوى وراح نشوف موسم قادم خرافي ..

بدري اننا نتكلم عن الانتقالات بس قلت هالكلام ودي اريحكم ان بيريز في الصيف راح يجيب ٣ اسماء على الأقل كل واحد يقول الزود عندي وراح تشوفون اكشن ماهوب طبيعي في الصيف

تحيتي .،،.