إقتباس الرسالة الأصلية كتبت بواسطة 3bady السلام عليكم يا زعماء وزعيمات اولا اهنيكم بالفوز الصعب جدا جدا مع اني كنت متوقع نتعادل او نخسر من بداية الشوط الثاني نفسي وامنية حياتي اعرف شو يصير للاعبينا اذا هم متقدمين وصارت الدقيقه 50 او 60 كسل تهاون ترجيع الكوره للخلف استهبال تضييع ( غباااااء ) اللي ما معاه كوره مايتحرك وهذا اكبر عيب في الهلال حتى المدرب صابته العدوى وجلس يتفرج ع الفريق الين ما سجل الفتح والله اني رحت للمطار الساعه 1 الليل قلت يمكن اقابل فريقنا راجع من الاحساء واسويلهم محاضره عن كيف تلعب بعقل لا بقدمك اتمنى يصدر قرار بتعديل وقت المباريات ويصير مدتها 50 دقيقه ( خخخخخخخخخ ) مجنون ( اعذروني بس فريقنا يرفع الضغط ( بالمناسبه من الامراض اللي سببها لي لاعبين الهلال التوتر وقررت اني مااحظر مبارة النصر ولا اشوفها في التلفزيون لاني مااتحمل بروووود اعصاب اللاعبين ) بالله شفتوا صورة عبدالرحمن بن مساعد بعد ما سجل الفتح والله لو معه رشاش راح ينزل ع اللاعبين والمدرب يعجبني في برشلونه مع اني مدريدي انهم ينهون المباراة من اول 10 دقائق ويتحركون بدون كوره ويحبون يسجلون اكبر عدد من الاهداف ( انا لو يسلموني فريق من جيبوتي ويخلوني ادربه والعب مباراة ضد الهلال بكامل نجومه افوز) -- نقطه مهمه جدا جدا جدا ( الهلال ضعيف جدا جدا جدا جدا في الكرات العرضيه بعكس الفرق الاخرى والمصيبه انه ضعيف دفاعيا وهجوميا في العرضيات ولاحظوا الكوره التسلل اللي للفتح الفاول وابعدها العتيبي المدافعين خلف المهاجمين المهاجم الفتحاوي مرتاح والعكس بالنسبه للهجوم وكذلك تابعوا مباراتنا الماضيه مع الشباب لو ما اصيب كاماتشو كان اكلنا هوا النهايه لازم نحل مشكلة نوم اللاعبين في نص المباراة والا باي باي بطولات ومشكلة العرضيات الهلال مهما تعبتني ورفعت ضغطي لازلت اعشقك

اقسم بالله انك بالصميم


والله نفس الكلام اللي ودي اقوله.


يعني الدقيقة 50 الشوط الثاني والنتيجه تلقاها 1-0 لهم وجالسين يضيعون وقت والثاني جالس يضيع هجمات والثالث منفرد بالمرمى و جالس يتمشى على راحته( على قولة الرجال: كانه جالس يلعب مع اخوانه بالمجلس) تدري وين المصيبة اللي والله ماشفتها بالعالم الا بالهلال.؟؟

العرضيـــــــــات!!


اقسم بالله ان هوساوي والمرشدي دجه بالعرضيات, يعني من يوم يشوفون الكورة مرفوعه فوق وجايه للمرمى خلاص يستسلمون ولا يحتكون مع الاعب.هذا مو كلامي هذا الواقع.!!


ورغم ان دفاعنا دجه الا انهم يضيعون وقت ويضيعون هجمات ويرتكبون اخطاء قريبة من المرمى.وكانهم دفاع تشيلسي..