| ما يهم ايش الجماهير تقول او الصحافه وش تقول
الحمدلله عندنا اداره واعيه ومدير كرة بسامي الجابر انسان فاهم
بعد مباراة الشباب الأخيره سامي قال تنتظرنا امام الفتح مباراة قويه واذا ما فزنا فيها لا سمح الله ما كأننا سوينا شي امام الشباب و راح نرجع زي اول
مباراة الفتح هامه جدا خاصه ان الإتحاد راح يلعب مع الأهلي وان شاء الله يفرط في نقاطها ومباراة الفتح وفوزنا فيها حتى في حالة الاتحاد امام الأهلي راح تزيد الضغط على المنافسين إنهم يدخلون أي مباراة في الدوري للفوز فقط وامامهم مباريات قويه
الجمهور له دور كبير في المباريات القادمه وخاصه مباراة الفتح والأهلي في الدوري في جده واكيد امام الاتحاد في الرياض ثلاث مباريات راح تجعل الهلال قريب جدا بإذن الله من اللقب
مباراة الفتح البدايه لحسم اللقب وان شاء الله الفريق يكون في المستوى
جمهور الرياض دوركم مهم واذا كانت مباراة الشباب المقاعد لم تمتلىء متى راح تمتلىء
طبعا جمهور الهلال في المناطق الأخرى ما تحتاج دعوه لأننا نعرف كيف حضورهم يكون كثيف وفعال | 