أبيات قليله بحق هذا الشهم الذي له الفضل بعد الله في فوز الهلال على الأهلي
ولايهونون اللاعبين كلهم
لكن حسن العتيبي اجبر فكري على كتابة هذه القصيده
اتمنى أن ترتقي إلى ذائقتكم
*

أنشهد إنك قدها يالعتيبي
كفو ولاهي يالعتيبي غريبه
*
من لابة ٍ وقت الملاقا تجيبي
تجيب هقواته لو إنه صعيبه
*
وقفت بالمرمى بشكل ٍ عجيبي
بأوقات والله يالعتيبي عصيبه
*
وقفت شوف العين من غير ريبي
والحيد ماهمه رياح ٍ تصيبه
*
واصل عسى فالك بدربك يطيبي
وعسى دروبك للمعالي عذيبه
*
ممدوح بن زايد سعد الشمري
.