يعطيكم الف عافيه والله على جهودكم

وبصراحه خطوه جميله للمنتدى وللاداره على هاذي الجهود

انا عندي اقتراح بخصوص الرابطه

بصراحه احنا حضرنا مباراة الهلال والاتفاق في النهائي ... وماشفنا شي للرابطه الجديده غير حركة 79 فقط

يعني مافيه اي تشجيع واي حماس

بس يتمشون من مدرج لمدرج ... وفي الاخير جلسوا خلف المرمى من جهة خروج لاعبي الهلال

اقتراحي لكم

اولا: الغاء رابطة الهلال الاولى (( بصراحه ما استفدنا منهم اي شي بس ازعاج على الطبول والدف وصراخ ماله اي فايدة))

نبغى ناس تشجع مو تصارخ وترقص

شوفوا رابطة الاتحاد كلهم بنفس واحد وناس تفهم وش تقول مو مثلنا والله العظيم ما ندري وش تقول الرابطه بس طق ورقص

قسما بالله اننا جالسين قريب من الرابطه في مباراة الهلال والاتفاق وانزعجنا من كثر الازعاج والصراخ والطق على الطبول ... ومو انا لحالي والله كل اللي كانوا قريبين من عندنا يسبون ويلعنون الرابطه هاذي

يعني بليز نبغة رابطه تشجيعيه مو ازعاج

ثانيا : توزيع الرابطه الجديده على جميع انحاء المدرجات ... بحيث كل مجموعه تحمل معها السماعه والمايك يكون مع رئيس الرابطه

ويكون التشجيع بالكلام يعني بدون طق ودفوف ورقص

والله العظيم تطلع الحركه حلوه وبدون اي ازعاج وبالعكس الجماهير بتتحمس مع الاهازيج

وثالثا اتمنى ان يكون هناك اهازيج جديده واكثر حماسية

وتحياتي الحاره لكم