نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - Liga 23 || برسا يتعثر في خيخون بالتعادل ويتوقف الرقم القياسي ، فالنسيا يكمل على ما تبقى من اتلتيكو ، والريال يدخل بعزيمة التقليص امام اسبانيول

Hala Madrid · #83 14/02/2011, 07:18 AM

إقتباس

الرسالة الأصلية كتبت بواسطة هلالي الكتلان


	^ ^ ^ وش دخل حكم الساحة بهدف تسلل ؟! ماقلت شي أنا الريال يستحق الفوز بجدارة اليوم وممكن كان يستحق نتيجة أكبر بعد ، بس الردود حسستنا أن الحكم كان ظالم الريال بشكل مجحف مع أنه كان كويس !

أجل وشوله حاطينه حكم ؟ العمى وهو عمى بيشوف تسلل اقويرو بدون حكم رايه !
على طاري لاهوز ترى موري مدح الحكم بتصريحه بعد متش امس وقال انه حكم عظيم ويقدم مباريات ممتازه , يعني اراء الشباب هنا كل واحد حر فيها وموب مجبورين انكم تقتنعون فيها .

جماهير الاتلتيكو مسوين اعتراض على طريقه جماهير مانشستر على رئيسهم , يقولون نبغى الفريق بدون جيل ورافعين لافته بمباراتهم قدام فالنسيا , قريت الخبر بالاس والماركا بس ما فهمته كله , ابو سلطان اذا عندك علم عطنا اياه نبي نشوف وش وضع هالفريق الزلابه , ايه على طاريهم سيريزو يقول رغم الاحداث السيئه للفريق كيكي فلوريس بيقعد , توقعي مجرد تسليك وانتظرو طردته هالايام , شفنا امثله كثير مثل كذا .