ورب البيت انها اكثر وجهة نظر احترمها اخوي

والله مو انت لحالك اللي هذي وجهة نظرك كل عاقل في العرب يقول كلامك

يعني انا مدري المصريين وش كان ضارهم ان الرجال يسلم السلطه بشكل سلمي في نهاية حكمه

صحيح انها ثورة غريبه وقويه بس فيها تخلف وغباء ياخي

ما فكر الشعب المصري في اللي بعده

ياخي خل نقول ابو مبارك ذا راعي مصايب وبلاوي وربي ان مصر قويت سياسيا معه ولها مكانتها

لكن صدق من قال الحمير ما تفهم الا النهيق والا الحر تكفيه اشاره

حسني مبارك راح يبكونه المصريين زي ما بكى العراقيين صدام وهذا وجهي

والله ما في مصر رجال كفو يمسك الحكم وهي احدى حالتين اما ان الجيش يجلس مستامن على الحكومه

او يتم ترشيح دوله وحكومه مدعومه من الغرب واسرائيل

وعلى درب الاحبه ياعراق نسير

اقوى ثلاث دول عربيه (العراق ، مصر ، السعوديه)

العراق سقطت مصر تتبعها والدور علينا ياصاحبي

والله ان الكلام في ذا الموضوع يوجع القلب ياخوي

انا احترم وجهة نظرك واتبناها معك ياذيب وما عليك راح يجيك ناس هنا وينبرشون عليك ويقولون اليهود والمدري وش ولا تستغرب اذا دخلوا فرعون وسيدنا يوسف في الموضوع وراح يلعنون ويسبون بكل ما اوتوا من قوه في الرئيس المصري فخلك على كلامك ولا تلين وربي كلامك كلام عاقل وانا اخوك

فقط للمعلوميه : الرئيس حسني مبارك حاكم عربي مسلم افهموها اذا باقي فيكم عقل تفهمون به