منورين الموضوع جميعاً
و والله هذا الي بيخليني استمر في الكتابه

--

سآآمي

حياك اخوي
والله في بدايه الموسم كنا متوقعين شي حلو مع هودجسون والانتقالات
الي عملناها بالصيف وخصوصاً إن هودجسون وصل نهائي اليوروليغ
وقدم مستوى حلو مع فولهام الموسم الماضي لكن اتضح بأنه مدرب غبي
ويوم درب الانتر قلب النادي فوق تحت .. كلامك اثرى الموضوع
نورت

--

هلال هيوستن52

هلا اخوي
سونيس ما انكر بطولاته الي حققها لكن انه ينقض العهد مع مشجعين ليفربول
ويصرح لصحيفه ذا صن هذا الي خلت جماهيرنا يكرهونه وينبذونه بعد وجاء
قبل 4 ايام تقريباً يصرح ويعتذر لكن بعد وش خخخ .. بالنسبه لأبو ظبي و
نقلها للبريمير فـ انا صراحه كنت متوقع إن الجزيره مابتفوت الفرصه وبتخطف
حقوق النقل من شوتايم لكن نشوف في السنوات الجايه ومافيش مستحيل ترا
وزعيم انجلترا سيعود قريباً .. نورت

--

البلانكو10

هلا جهاد .. من ناحيه تفقيع الوجه فهذا حاصل حاصل الله لايعوق بشر انا معك إن الكنق كويس بالأمور النفسيه وهو السبب الاول في تعديل نفسيات اللاعبين بعد ما اندمرت مع السباك .. لكن أشوفك بخصت حقه التكتيكي والفني ؟! هذي المشكله إنك ماشفت وش سوا في المباريات الـ 4 الاخيره ولا من يوم استلم الفريق ومن قبل مايستلم الفريق كنت مرتاح وواثق بأنه هو الي بيعيد لنا امجادنا من جديد وتوفر له الي يبيه مابيقصر معنا .. لكن سالفه إن داغليش ماقدم شي فأنا أختلف معك وبقوه شديده جداً يعني مدرب يلعب بنفس اللاعبين الي لعب بهم السباك هودجسون وأيضاً يوم استلم الكنق النادي بدت تطلع اخبار انتقال توريس وانتقل ولعب قدام البلوز بدون مهاجم حقيقي يعني مافيه لاتوريس ولا سواريز ولا كارول ولاحتى نغوغ وقدامك مثلث هجومي خطير وحتى لو لعبوا لأول مره لأن اللاعبين الكبار ماتوقفهم هالظروف .. وسالفه قدره داغليش التكتيكيه فـ انا اتمنى إنا لو تأهلنا للأبطال الموسم الجاي بإذن الله نباري ريال مدريد وبتعرف كيف التكيتك على اصوله .
نجي على الميركاتو .. انا قلت إنها رائعه بسبب قدوم لاعبين صغار بالسن وتوهم بعز شبابهم وبيقدمون لكن بالنادي على الأقل على الأقل 4 مواسم قدام وهالشي ما ينطبق على توريس لأن تقريباً موسمين وبيطق الـ 30 وهالشي مثل ماقلته انا في الموضوع النادي يبي لاعبين صغار عشان الطموحات تحتاج بأننا نجيب لاعبين من طراز عالي وبالإظافه إلى إن هنري مأيد وبقوه وسياسته بالنادي أولاً اما عن توريس فـ ما اختلف إنه افضل مهاجم و و و و و لكن في الفتره الاخيره صار عبئ علينا واما عن البلوز فـ أصبر عليهم إلى الموسم الجاي وبتشوف كيف حالهم .
نورت

--

روبين هود

هلا يوسف هاه بشر كيف امريكا معك إن شاء الله مرتاح ؟
مبدئياً في الصفقات نقول إنها رائعه جداً وسواريز عطانا لمحه من الي عندي
ومثل ماقلت يبيلها وقت لكن مع الكنق اتوقع بيبرزون بشكل سريع
اما عن البلوز وتوريس .. مثل ماقلت اصبر عليهم موسم ولا موسمين وبتشوف
وين بيكونوا
نورت يالأمريكي

--

Dalglish

هلا سلطان وينك يبو غايب عنا فتره
مين قال إن داغليش بيكون تأثيره اقل مع استمرار الوقت ؟!
من جدك ياسلطان ؟ داغليش محد يختلف عليه وأجزم لكن متى ماتوفر الي
يبيه هو ماراح احد يوقفنا إلا حصولنا على الي نبيه .. والكنق مكانته ثابته
عند الجمهور وماراح تتغير ويكفي إنه يدربنا الحين
نورت

--

لي عوده مع البقيه بإذن الله