نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - لو حسم رادوي الدوري بصاروخية .. فهل سيبخل عليه عضو الشرف !! (فكرة إستثمارية)

جليسسسسوٍهـ · #5 09/02/2011, 06:27 AM

إقتباس

الرسالة الأصلية كتبت بواسطة هلالي منذو مبطـي


	الهلال محتاج دعم جماهيري في المباريات بالمدرجات وليس محتاج كثرة القهاوي

أولا : أحب أحييك وأصبح عليك بالخير ,,
ثانيا : عزيزي الرياض فيها حوالي 8 مليون نسمه مع الاجانب ..
لـ نقل أن منهم 3 مليون هلاليين ,, هل تريد 3 مليون في الملعب ؟
وهل تظن أن كل الهلاليين يستطيعون الحضور للملعب ؟
أنا أعرف ناس تعشق الهلال حد الثمالة ومافيه يوم طبت أي ملعب لظروف خاصة
ولكنهم مستعدين يدعمون الهلال بأي طريقة .. حاول تبعد النظره وانا أخوك ولا تقيس فقط على نفسك .. لأننا زي ما قلت انت محتاجين الدعم الجماهير ولكننا أيضا محتاجين نفعّل بعض المداخيل الأخرى ,, حضورك للملعب ممتاز من الناحية المعنوية ويدخل للنادي 20 ريال .. اللي ما يستطيع الحضور للملعب ليه يروح لمكان ماله علاقة بالهلال ؟؟ يحضر بالكوفي ويدخل على الهلال 30 ريال أقل أو أكثر ويستفيد ويفيد..

إقتباس

الرسالة الأصلية كتبت بواسطة هلالي منذو مبطـي


	اوك خلنا نقول انه بعد نهاية الموسم راح يسوون هالاقتراح ويكون تيشيرت الهوساوي مثلاًً بـ300 ريال بأجي انا بأطلب فنيلة عاديه وبأحط اي اسم ابيه وأي رقم ابيه من المتجر بـ200 ريال فوش الفرق بين الفنيلة الجاهزه الي بإقتراحك وبين الفنيلة الي انا سويتها من المتجر ؟

الفرق هنا أعتقد واضح وذكرته انا بالموضوع .. (القيمة المعنوية) ..
يمكن انت ما تهمك القيمة المعنوية للتيشرت .. ولكن فيه (كـثــير) تهمهم صدقني ..
وأكبر دليل شف اللي يتهاوشون على قمصان اللاعبين اذا رموها لهم بالمدرج ..

أنا كنت حاضر مباراة الهلال والسد بقطر ,, ورمى علينا الدعيع علبة مويه (طلبها منه أحد الجماهير) المشجع اللي اصطاد علبة الموية فرح فرح عظيم (مع انه مهوب صغير) وقاعد يتفاخر عند الجمهور بعلبة ماء وبعدين قفل علبة الموية بقوة وحطها بجيبه (واضح انه يبي يحتفظ فيها كذكرى لمباراة السد بقطر) ,,
علبة مويه تراها شرب منها الدعيع شوي وبعدين رجمها علينا .. فما بالك بتيشرت الهلال الأصلي اللي لعب فيه اللاعب مباريات الزعيم وصار فيها أحداث معروفة ..

إقتباس

الرسالة الأصلية كتبت بواسطة هلالي منذو مبطـي


	مثل ما قلت فوق أسوي لي فنيلة بـ200 ولا اني ادفع مبلغ اكثر على نفس الفنيله !

أخي الكريم ,, عادات الناس مختلفة .. وفيه ناس مستعدة تدفع دم قلبها على شي يمكن أنت تعتبره سخيف بوجهة نظرك ,, ولكن الناس أجناس ,, والمهم ما يخدم الهلال ..

إقتباس

الرسالة الأصلية كتبت بواسطة هلالي منذو مبطـي


	احترامي لك يا أخوي بس لكل اقتراح جانب سيء ويجب دراسته من كل الجوانب لكن ممكن لو تعدل على اقتراحك وتخليه فنيلة موقعه من اللاعب بس انه شرط ما تكون اغلى من الفنيلة العادية الا بمبلغ بسيط فيمكن تكون جيده

بالعكس أنا مبسوط وأسعدني ردك ,, وشكرا على إضافة اقتراح الفنيلة الموقعة ..