08/02/2011, 02:49 PM
|
| أرسنالي مميز | | تاريخ التسجيل: 21/05/2010 المكان: الخبر
مشاركات: 1,247
| |
 | إقتباس |  | | |  |
الرسالة الأصلية كتبت بواسطة نـواف الهلالي |  | | | |
وعليكم السلام والرحمة،، يا الله حي القاطع  .
أنا جتني زي اصابتك بالضبط "أربطة الكاحل" مع ورم مخيف، اذا تذكر اصابة ديابي يوم دعس على كاحله ايسيان، أبد زيها بس من الجهة الداخلية.
الدم هذا الي تجمع تحت الكعب مؤشر على درجة التمزق -نفس الي جاني بعد-، فيه ثلاث درجات وهذا يعتبر من الدرجة الثانية، يعني تمزق جزئي للأربطة أو تمدد في الأربطة -الله يشافيني ويشافيك وكل مسلم-.
علاجها يحتاج صبرررررر، تخيل ستة شهور ما دقيت الكورة، أقسم بالله بغيت أهلوس تشفقت على الكورة شفق مو طبيعي، بس مالك إلا الصبر وش وداك له.
يبي لك الآتي:
1- مدة شهر عدم لمس الكرة بتاتاً وعدم الجري، وخلال هالشهر تكمدها بثلج بعد كل صلاة مدة عشر دقايق وتدهنها بمرهم ممتاااز اسمه أفالون، مرسوم عليه ورقة شجرة زي النعناع.
2- بعد الشهر تبدأ العلاج الطبيعي، حاول تروح لمركز علاج طبيعي محترم -نيك نيم فايف يخبر واحد- وراح يحط لك ليزر ويسوي لك مساج وتمارين تقوية خفيفة لا تذكر.
3- اذا حسيت انك تمشي بدون عرجة أو ألم تبدأ تمارين التقوية بعدة أشياء مثل أنك ترسم الحروف الإنجليزية بإصبع رجلك الكبير، ولوح التوازن وهذا أهم شيء -حقين العلاج الطبيعي بيشرحون لك عنه-، وفيه شي اسمه "ثيراباند" مطاط طبي أقرب شي له لستك السيكل بحيث إنك تشده على باطن رجلك وتمسك أطراف البتاع ذا بيدينك وتحرك رجلك كأنك تدعس بنزين 20 أو 30 مرة ونفس الكلام للداخل والخارج.
4- المشي السريع ممتاز لحركة الكاحل، لو تلاحظ إنك لو تمشي مشي سريع ورجلك طيبة ما فيها شي تحس بألم وتقلصات، هذي طال عمرك العضلات اللي جنب الكاحل تتقوى وهذا هو المطلوب.
في النهاية زي ما قلت لك الصبر مفتاح الفرج، والله يعجل بشفائك شفاءاً لا يغادر سقماً. |
