هلا أنس ! .. اولا مبروك الفوز على البلوز .. مبروك عليكم التعادل رقم تسعه مع الهلال خخخخ ! .. ياحبكم للنقطه خخ ! ..

ارجع ثاني لفضفضتك ! ..

سر داغليش كله في الامور النفسيه والروح المعنويه الي كانت ضايعه مع روي ! ..
عوده داغليش مثل عوده البطل لليفر ! .. الي جعلت الجمهور يتفائل اكثر والاعبين يعطون ضعف ادائهم وذا الشيء لاحظناها وكيف الليفر قدر يحقق انتصارات متتاليه ..

داغليش قدر يخرج من الاعبين ضعف امكانياتهم ! .. وزيد عليه ضعف الدعم من الجمهور ومحبتهم له ! ..

الكنيغ وجوده حل للمشكله النفسيه الي كان يعاني منها الفريق مع روي ! ..

وهنا انا اهنئ هنري بصراحه على ذكائه في اختيار داغليش كحل مؤقت لليفر ! .. لان الذكاء الاخر هو جعل العقد لداغليش الى نهايه الموسم الحالي ! ..

منها دافع لداغليش لتقديم الافضل والبقاء على رأس الجهاز الفني ! .. ومنها كمان يحمي الفريق ويحمي داغليش ويحمي نفسه من انه يكون مجبور بأقاله معشوق الانفيلد الاول لو تأزمت الامور ! ..

الى الان داغليش مااثبت شيء للمعلوميه ! .. قدم شيء جيد ومؤشر ممتاز ان الفريق يقدم الافضل ! ..

لكن السؤال هل داغليش هو الشخص الامثل لقياده الليفر ؟! .. وخاصه ان الكره اختلفت كثير عن الماضي ! ..

لان مع الوقت الروح المعنويه وتأثير وجود الكنيغ وشخصيته القويه بتكون اقل وبيكون مااعند الكينغ الا شغله التكتيكي وخططه الي بتقود الفريق وقرائته للمباريات ! ..
لانه مستحيل الليفر يكون على نفس الاداء الي قدمه امام تشيلسي طول الموسم ! ..

وذا الشيء يرجعني لذكاء هنري وكيف وضع عقد داغليش لنهايه الموسم فقط ! .. لانه مهما صار يبقى داغليش تحت الاختبار ! ..

اذا اثبت انه يستحق البقاء وكان قادر على مجارات الكره الحديثه ! .. جدد معه ! .. واذا كان غير ذالك فما بيكون مضطر انه يخرجه او يقيله لان عقده بيكون منتهي من اساسه ! ..

بالنسبه لي اتمنى ان داغليش يثبت انه مدرب لكل العصور ! .. لكن مااتوقع ! ..

مع اني اتمنى اكون مخطئ 100 % لان داغليش بشخصيته وتاريخه الكبير كلاعب وكمدرب وحب الجماهير له وولاء الاعبين له هو الانسب لقياده الليفر ! .. لكن نبقى على محك مهم هو قدره داغليش التكتيكيه وقرائته للمباريات لانها الشيء الفاصل في الكره الحديثه ! ..



رائعه بكل المقاييس ؟! .. الى الان مانقدر نحكم ! ..

لانه يبقى كارول وسواريز نجوم صاعده ! .. ويبقى توريس نجم ! .. وفرق بين الصاعد للنجوميه ومن هو يملك النجوميه من اساسه ! ..

توريس افضل مهاجم في العالم بوجه نظري ! .. حتى وان الاصابات اثرت في مستواه لكن يبقى الولد صغير وتقريبا في عمر ال 26 اذا ماخاب ظني ! .. يعني الولد لسه امامه اقل شيء 5 سنوات قدام ! ..
يعني يقدر يرجع لمستواه واكثر كمان ! ..

يعني الفكره كلها ! .. كيف تستغني عن افضل مهاجم في العالم عشان اثنين ممكن يكونوا من افضل مهاجمي العالم ؟! .. الاكيد بيدك ليه تروح للأحتمال ! ..

انا زي ماقلت لك كنت ضد خروج نجوم الفريق ( توريس وجيرارد وريينا وميراليس ! ) .. ولازم الليفر يبني فريقه معهم مهو عليهم ! ..

خروج توريس ( الى الان ) اشوفه خاطئ ! .. والخطأ الاكبر انك تبيعه لمنافسك كمان ! ..
ونتيجه تشيلسي وهدف سواريز ابد مهي مقياس على نجاحه الصفقه ! ..

متى تكون الصفقه ناجحه ؟! .. اذا اثبت سواريز وكارول انفسهم مع الليفر ! .. وقتها اقولك ضربه معلم ! ..

لان الامور ذي زي ماتعرف تحتمل امرين ! .. يااتكون بطل ببيعتك يااتكون فاشل في صفقتك ! ..

ويارب يكون الليفر موفق في بيعته ! .. وتكون بيعته على خطه مدروسه ( مهو زي حق سلطان خخخ ! ) لبناء الليفر على اساس لاعبين شباب قادمين وبقوه للعالميه ( مهي زي حق النصر خخ ! )

داري انك بتفجر وجهي بالرابطه او بالماسن ! .. بس عشان ماتقول يالله قدامي على الموضوع خخخ ! ..