هاردلك شباب ، اشاطر عبد الله في أن الفريق مرهق وهذا كان واضح اليوم خصوصا في الهجوم
والمحاور ،، ملعب الوولفز صعب وكنت متخوف من الهزيمه بعد الهدف الثاني وعرفت اننا ماراح
نسجل لأن اذا بغيت تسجل على فريق مثل الوولفز وعلى ارضه تحتاج مجهود بدني غير طبيعي
وتحركات تربكهم وفريقنا كان مرهق ومو في يومه والجمهور شحن لاعبين الوولفز ، التعثرات
وارده لكن المهم هو اننا نصحح الاخطاء اللي حصلت اليوم .. روني بربا فليتشر ايفانز هرنانديز
كلهم ماكانو بيومهم .. فيه مباريات تشوف الفريق فيها مو قادر يقدم شي وبصيغه أخرى فريق مو
في يومه ، اضافه الى ان الوولفز لعب زي مايبغى ومسك المباراه صح من يوم ماسجل الهدف
الاول .. حاول بعدها وسجل الثاني وعرف كيف يحد من خطورتنا هذا اذا وجدت !! وعادتا
الانديه الصغيره تلعب بالطريقه هذي على ارضها ، ماشفت اليوم الا ناني هو اللي يتحرك كثير ولو
الباقين كانوا في يومهم كان ساعدوه واقصد هنا المهاجمين روني وبربا وحتى هرنانديز .. متأكد
إن المباريات الجايه ماراح تكون بالصوره المخجله هذي ، واللي صار ماهو الا كبوة جواد وانت
في دوري صعب ماتحققه وماتروح فيه بعيد الا بعد ماتمر بكل مصيبه وبكل خطأ .
