بصراحة الدوري كله كوم وهالمباراة كوم لحالها

فريقنا على ورق مافيه أقوى منه في آسيا كلها تكامل صفوف، تناسق، توظيف لاعبين، تكتيك

وانا اللي يبي مني العلم اقولكم شي واتمنى ان توقعي يخطي أتمنى والله ؛؛

ولا يهونون لعيبتنا لكني اشوفهم وقت الجد مدري وش يجيهم تقل كنك صاب تحتهم ديزل يالله يتحركون يخافون من الطيحة

انا ما أكتب كثير بس بصراحة مباراة بكرة اللي ما يكتب عنها ماله داعي يكتب أبد

وزي ما قلت لكم لو جينا لحسبة الورق الاتحاد جنب الهلال ولا شي

من ناحية المحترفين واللاعبين المواطنين ويمكن هالشي هذا هو اللي يخلي أي هلالي يعرف فريقه زين انه يخاف

دايم الهلال اذا اكتمل ونزل المباراة بصفوف مكتملة يخور

وبالذات قدام الإتحاد، معليش الواحد لازم يقول اللي في خاطره عشان يمكن اللاعبين يتداركون هالشي واتمنى انه يوصلهم كلامي

ابذكركم ان شاء الله وبتشوفون الاتحادية اللي يالله يلعبون قدام التعاون ويالله فازوا وبمساعدة الحكم بتشوفونهم وش راح يسوون قدام الهلال

اذا ما كلوا الملعب أكل ولا ماني هلالي وكني اشوف لعيبتنا من الحين يالله يركضون والهجمات تجيهم من كل ناحية

انا اقول هالكلام ذا مو عباطة ولا عشان يصير العكس انا اقول هالكلام لأنه شي واقعي والاتحاد راح يفوز علينا بكرة (والله لا يقولها)

لأن لاعبين الاتحاد اللي نقول عنهم عواجيز بصراحة روحهم قدام الهلال تصير ارواح شباب في سن الـ 16 والـ 18 سنة

انا بصراحة هذا اللي انا اشوفه وانتم لكم حرية الرأي بس بدون زعل وذب كلام ماله داعي

اذا اللاعبين يبون يحسون بمسؤوليتهم يسوونها مثل مباراة العام الماضي الدور الثاني اللي جاب ياسر فيها القول في أول الدقايق

ولولا مشيئة الله وخروج ولي اللي أثر على اللاعبين ولا ما كان يحلم الاتحاد بالفوز

عموما سوري على الإطالة وبإذن الله يفوز الهلال ولا راح يفوز الهلال الا اذا شفنا رووووووووووووح

غير كذا الفوز إتحادي