*¤ أخطاء .. أخطاء .. أخطاء ... هل نتداركها ¤*
بسم الله الرحمن الرحيم
الف الف مبروك الفوز والتأهل للمباراة النهائية
الكل شاف المباراة وشاف الولاده القيصريه للاهداف
وانا في هذا الموضوع بكتب ملاحظتي على السلبيات الهلاليه في المباراة
واتمنى من الجميع المشاركه ..
* استبشرنا بخير بخلو التشكيله من الخثمعي ( المظلوم باشراكه ظهير ايمن ) ولكن تفاجأنا بمشاركه الخثران
في هذا المركز !!
* عبدالله غازي لآعب اقل من عادي وبكل صراحه حتى في الحواري ما اتوقع فيه فريق يلعبه اساسي !!
يعني الاظهره اليوم خسرنا جهودها سواء الدفاعيه أو الهجوميه !!
* اصرار غريب من المدرب على اللعب عن طريق الاجنحه وبطريقه الكرات العرضيه العاليه اللي اثبتت فشلها للكل
من الشوط الاول .
* مستحيل الوم العنبر أو الصويلح اليوم لأنه مافيه صناعة لعب حقيقه والكور المرسومه الممره لهم تنعد على الاصابع .
* كماتشو كل مباراة يثبت لنا انه لآعب عادي واقل من مستوى الفريق واليوم لم نشاهده الا في تسديه واحده 
يمكن لأنه اول ما يتعاون الا مع ديسلفا ويوم اختفاء ديسلفا اختفى هو ايضاً !! * اتمنى وجود الموري كوسط ايمين لأنه يجمع بين ثلاث مميزات
1- اللعب على الاطراف .. 2- التغطيه الدفاعيه .. 3- يعرف طريق المرمى .
* ما سر ابقاء الجري احتياطياً !! اذا احد منكم يعرف السبب ليت يقول لي * الهليل اسم برز بسرعه واختفى بسرعه بفعل فاعل !! هذا اللي والله ما اتماه 
* انتصاراتنا ما صرت تجي الا بطلعة الروح وآخر 3 مباريات اكبر دليل * اتمنى من كل قلبي تدارك الاخطاء لأن المباراة القادمه لا تحتمل انصاف والاتفاق غير الرياض .
