إقتباس الرسالة الأصلية كتبت بواسطة s.Milandini كاتانيا vs ميلان أتحدى أي أحد يفرق بين هالمباراة وبين الـ wwe أبد ما تغير شيء عن الشوط الأول ، المصارعة من الطرفين مستمرة والكروت مستمرة .. تحفظنا على ميركل بحكم صغر سنه وقلة خبرته ، لكن وش الحل مع الهمجي بوميل ! خبرة وقيادة لكن !! استمرار للتهور وبطاقة صفراء ثانية توجب خروج الحمراء ومعها خروج اللاعب من الملعب تراكاً زملائه في ورطه الـ 0-0 في ملعب صعب وجمهور بثر وخصم متحمس ، ولولا قتالية روبي ومتابعته لكرة إبرا اللي امزعها وربك يحلها .. وصناعته للهدف الثاني من بين سيقان الكاتاني .. لكنا في خبر كان . إلا شباب .. أحد منكم شاف ويلسون بعد ما نزل ؟ يا أنه متخفي أو أني ما أشوف ! حقيقة .. أسوأ ثلاث نقاط رأتها عيني وذلك بسبب أن ميلان صعبها على نفسه . إيه صح ، هذي ثاني مباراة ينطرد فيها لاعب منا بالدقيقة 60 وبخارج أرضنا ثم نفوز الأولى ضد الإنتر ، والثانية هذي المباراة ضد كاتانيا .

بالعكس سعد انا هذه اشوفها احلى 3 نقاط اخذناها من بداية الدوري .. اصابات و نقص و لاعبين في غير مراكزهم و لاعبين توهم منضمين للفريق و مافي تجانس و فوق هذا خارج ملعبك و تلعب شوط كامل تقريبا ناقص لاعب و تفوز 2-0 !!!!

هذه قيمة الفريق الكبير و الفريق اللي يبغى ياخذ بطولة .. انا من هذه المباراة بدأت اشم ريحة السكوديتو و بإذن الله نستمر في حصد النقاط بإصابات بطرد بنقص بأي شي ..

و على فكرة طرد بومل ماهو طرد و لا يستاهل كرت اصفر ثاني الحكم تعامله في المباراة كان غبي مع اغلب الأخطاء .. رقم 3 عندهم سبولي عنده كرت اصفر و فيه التحام مع ابرا المفروض ياخذ كف و كرت و يطلع مطرود لكن الحكم ؟؟ و ايضا رقم 18 ناسي اسمه دخل دخول عنيف على انتونيني و لا اخذ كرت .. الكرت اللي اخذه امبروسيني المفروض الفاول كله لأمبرو لأنه لاعب كاتانيا هو اللي داعس على رجله ..

لكن الكبير كبير و بإذن الله نحتفل بالسكوديتو هنا في مايو بإذن الله