السلام عليكم ورحمة الله وبركاته

إقتباس الرسالة الأصلية كتبت بواسطة حظيظ هههههههههههههههههههه انا مستغرب من اللي للحين يدافع عن ماروتا وديل نيري !! اوكي فعلا جاب صفقات ممتازه زي اكويلاني وبونوتشي وستوراري كوالياريلا مع ان ثنين منهم اعاره لكن البقيه ؟ كراسيتش 15 مليون على لاعب باقي 6 شهور وينتهي عقده وغير كذا اللاعب يبي اليوفي ورفض عروض ثانيه وش الانجاز بهالصفقه ؟ مانبي نرجع ونفتح مواضيع الصفقات الي راحت .. لكن كاسانو + باتزيني .. او كاسانو + كلوزه = وش تبي ازين من كذا ؟ توني وش تبي فيه ؟ عندك كلوزه افضل مليون مرره ... فعلا شي غريب .. الفريق داج على قولتهم .. بارزالي وش يبي فيه ؟؟؟ بارزالي وكلليني وبونوتشي وارياودو وسورينسن ؟؟؟ سلامات ؟ كل هذا قلوب دفاع .. اربع يكفون وش تبي بالخامس ؟ طيب ليه ما جبت اظهره وش تبي بالقلب ؟ ضعف الفريق واضح للحمار ماهو لمدرب فاهم .. هجوم واظهره ويكمل الفريق ليش ما جبت اظهره صح ومهاجم عليه الكلام .. اذا مانت جايب لاعب عليه الكلام لا تجيب لنا لاعب اي كلام ركايتيتش ب1 مليون واحد بس ولا جبته ؟؟ اوكي اللاعب ما اعرفه ولنفرض انه عادي .. بس ارخص من كذا وش تبي هاته ووده اعاره او على الاقل يكون احتياط لماركيزيو وكراسيتش -- خلنا من كل هالخرابيط .. ياقو .. وينه ؟؟؟ لاعب لعب مباراتين وديه وهو بعمر 18 سنه ومع ذلك بدع قدام الميلان وسوا كم اسيست خرافي والفريق بحاجه لجناح ممتاز ليه ما جبته ؟ ياقو وكراسيتش بيكون شي خظير .. او على الاقل لعبه خلف المهاجمين .. اكويلاني فنان وصفقه ممتازه لكن غالي وانت عندك لاعبن بهالمركز .. ليه تدفع هالفلوس على مركز انت مانت بحاجه تجيب تعزيز له ميلو سيسيوكو ماركيزيو اكدال .. وشوله تدف هالفلوس وتخلي هجومك عاهات ؟؟؟ افضل صفقه سواها هي بونوتشي وكوالياريلا ويجي بعده ستوراري وكراسيتش .. مع انه في مبالغه بالقيمه .. اما الباقين صفقات مادري وش تبي .. هفوات كبيره من ماروتا تعاقديا .. ومن ديل نيري تكتيكيا !! مع انها كانت بدايته بالدوري سيئه بعدين تحسن بعد ما اشتغل كراسيتش والكرلا .. فان بوميل : ببلااااااااااااااااااااااش .. افضل واخبث محور بالسنين الاخيره .. ليه ما جبته لو احتياط ؟ بصراحه شي يقهر ... لكن ليته يبرد التسبد لو بكلوووزه .. الي راح يعيد لنا ذكريات تريزي ختاما : - - - - شكرا ماروتا سلام

مؤيد لكلامك يا احمد عدا نقطة اكوالاني

انا هنا ابشوف ماروتا وش قصته ووش جوه ؟ ما ننكر الصفقات الممتازة اللي سواها
بس فيه فرص كانت في متناول اليد ومدري ليه فوتها

كاسيريس كان مبدع العام ويلعب بمركزين قلب وظهير , ولا يجدد معه اعارة ولا يشتريه وبالاخير يروح لاشبيليه مدري فياريال وبسعر بخس

راكتش حق شالكه جناح يسار مفصل لليوفي وراح لاشبيليه بمليون بس !!

اي واحد بالشارع تقوله وش مشكلة اليوفي بيقولك :

1- هجوم معاق يتكون من برجين وعجوز ولاعب مجتهد
2- اظهره ما فيها احد صاحي

وماروتا بالصيف يشتري مهاجم ويصيرون الابراج 3 وقلب دفاع رغم ان الاظهره هي المشكلة
ويقول ما عندي سيولة , مو مقعول نادي مثل اليوفي ما يقدر على مليون !


النقطة الثانية دريد لحام

اقتناعه باماوري <------ هذي تحتها مليووون خط
تكتيه اللي ما يتغير
تبديلاته اللي ما دري وش تبي
اجل قبل امس الفريق مهزوم يروح يدخل قروسو !!!!!!!!!
ومارتنينز الا يلعبه جناح وبالاجماع ان مركز مارتنينز مهاجم مساعد
في مباراة روما شفت اول ربع ساعه وركزت عليه , لمساته لمسات مهاجم مساند ولا هو جناح لكن دريد لحام وقناعاته

طبعا اندريا انيللي يبيله موضوع الحاله , والله اذكر مترجم له خبر قبل سنتين يقول لو امسك النادي ابجيب ميسي وبالاخير يقول وسطنا ودفاعنا وهجومنا الافضل في اوربا