إقتباس الرسالة الأصلية كتبت بواسطة معشوق الهلال خالد يازعماء مشكلة اي لاعب يجي للهلال لازم فيه فئه تعارض تقول هي اللي تبي تدفع يوم جاء ياسر القحطاني للهلال الكل قال عندنا العنبر والصويلح وسامي الجابر ايش نبي بياسر لو ندفع مبلغه بلاعب اجنبي مو احسن ومن هالكلام اسامه الهوساوي اول ماوقع معه الهلال الاكثريه انتقدو ادارة الهلال بالتوقيع قالو لو دفعنا هالمبلغ في تجديد عقد تفاريس مو احسن !!!!!!!!!!!! لان ماجد المرشدي وخيرات وتفاريس في الهلال يعني اسامه ماله داعي التعاقد معه!!! عيسي المحياني الكل انتقد ادارة الهلال وقالو عندنا ياسر والصويلح والعنبر الهلال مو في حاجاته ومن هالكلام وكل هولاء النجوم هم الان من النجوم الفايف ستار في الهلال فيما يخص الشهراني الشهراني ان جاء للهلال راح يخدم الهلال عشر سنوات قادمه لاعب صغير في السن يلعب في الباكين اليمين واليسار وبعدين اذا جاء ياسر الشهراني خلاص يصير الكوري ماله مكان الموسم القادم خصوصا انه لاعب كبير في السن وعلى مشارف اعتزال خصوصا ان الزوري راح يرجع الموسم القادم من الاصابه والشهراني اذا جاء بحول الله راح يمسك الجهه اليمني والزوري اليسري والكعبي احتياطي للزوري ونامي بديل لشهراني ونستفيد من مركز لاعب الاسيوي في مكان غير مكان الظهير اما يخص المبلغ فدعوه ياشباب عرض وطلب وكل نادي يبحث عن مصلحته مادام عبدالله بن مساعد دخل في الصفقه فالصفقه راح تكون مقنعه للجميع بعدين صحيح الهلال صفقاته المحليه قليله لكن دايم تكون مفيده للفريق ويعملون الفارق مع الهلال محمد الدعيع اسامه الهوساوي ياسر القحطاني عيسي المحياني وان شاء الله في القريب العاجل ياسر الشهراني راح يكون صفقه ناجحه للهلال في حال اتمام الصفقه

من حق اي هلالي يبدي رأيه والمسأله ليس مسألة مين دفع ومين مادفع

معشوق الهلال خالد شف يابطل احنا ماانتقدنا نقد لاذع او سبينا اوشتمنا حوارنا هادف

دائما لطرح وجهات النظر كلها من الاعضاء جميعا وصدقني مافي احد هلالي اوعضو

بالمنتدى يتمنى تكون الصفقه فاشله بالعكس ياريت ينجح اذا تعاقدنا معه واحنا اول من

يقف مع اللاعب ويسانده ولاكني ارى من وجهة نظري ان التخبطات حدثت في التعاقدات

الماضيه من خلال تعقدنا مع الجمعان بمبلغ وقدره وتوقف من المنشطات وتعاقدنا مع

الجيزاني ولكي لانظلمه لم يقدم المستوى المامول منه والان الكعبي اعاره بعدما تعاقدنا

معه بمبلغ وقدره هذا كله..... الا يدعونا للتريث في الصفقات انا لست ضد كل الصفقات

ولكني انصح بعدم التسرع ودفع المبالغ الخياليه فقط لاغير واشكرك على تواجدك

واثرائك الموضوع.