السلام عليكم ،، تحذير كيمائي كمدخل (الدخول لغير المثقفين اطلاقاُ) ،،
تعرف اكله الصبه كوجبه سريعة (للطفارى) ولذيذه جداً وخفيفه(صفقــــــني هع) ...الصبه هي عباره عن خليط من الفلافل والباذجنان والطماط(ياتسبدية بس) والبطاطس والبقدونس(يسمونه البعض حشيش..،، ياللي تفهمون غلط لا تروحون بعيد هع)و توضع عليها بعض(الطحينه) واسالوا (الزوله) عن الطحينه...وكما قال احد خبراء البلع من (الزوله) : في اوروبا والدول المتقدمة يقدمون الطحينه في كل اوقات الاكل(ياعليه بكشه هع) ..،،

بسم الله ...

كان صباحن يشع بالحيوية والنشاط ...على غير عادة محدثكم ..مرتز ومصحصح من 6 الصبح من ان ماعنده شي الا من من 10 وفوق(ايــــــه هزيمة المنتخب تسوي اكثرهع) ،، مافيه شغل ولا شي وامامنا وقتن تيلغو مدتهوا اربعه ساعات ،، قام غسل ووووو سوى كلش الا الفطور! ..ورجع نام ! ...الساعه 8 صحى مرتن اخرى ...تذكر ان خويه مواعده يبي يمره اليوم بدري عندهم مشوار(لاحد يسمعكم يالوزارء هع) .. ويقوم اقين ويغسل اقين ...ويتصل فرست تايم على هيم فرند(مخلبص بالعنقليزي شوي ومتآثر فيه) ..الوووووو ..السلام عليكم ...(عليكم السلام) ..صباح الطماط ...كم الساعه الحين ====> ماعنده ساعه:! الله ياخذك بلا الحين بمرك الساعه 8 وربع الحين ...،، (طيب خلاص لا تنفخ عجل هاه) =====> طرار ويتشرط! يله باي ..



انتهت المكالمتو الهاتفيتو .... شوي والا ...طيط طيربط طيط طربط طربط طربط طيط طربط طربط ططا ...!!

محدثكم : يالله صباح خلا ..ورى ذا الخبل يشربك لا يقول نبي نروح نشوف تفحيط ذا القديم ..!!

واطلع اشوف وش فيه ====> ماعنده نيه يروح معه .

هلا هلا ...اووة الحين شوي احترني لين اخلص اللبس واطلع لك ..!!

=====> خلص كلش وطلع له وركبوا الجيب (هيه تراه موب لكزس ولا هو بي اي ام خمنوا براحتكم وبلاش فضايح هع) ..

انا: ايوة تقولي وين مودينا على هالصبح !؟
راعي الجيب : فاضي وقلت بمر اخلص شوية اشغال ونبي نفطر!!(شوفوا المكلع بس ادري انها اشغال طيب وشهي )
انا: وشو الشغل؟
راعي الجيب : (وهو مرتبك طبعاً ) : هاه شغل شغل !!
انا: ====> لوا خشته دليل عدم الرضا !

>>>>>>>>>>>>>>>>فـــاصل دعائي<<<<<<<<<<<<<<<<<







نحنوا الافضل...نحنو الاجود ...نحنوا احسن من يقدم الصبه في الرياض...زورونا .... وردة الشميسي وبس!



<<<<<<<<<<<<<<عدنا(سبيس تون)>>>>>>>>>>>>>>>>>>

وبعد 45 دقيقه من الهز والردح في زحمه الرياض عالصبح ...وخصوصاً طريق الملك فهد ..اوه قصدي ..معارض النسيم للسيارت!(لان السيارات ماتتحرك من الزحمه فطب وتخير من المواتر هع) ..

وصلنا الى شغل الرجال(راعي الجيب) ...نزل وقال ..15 دقيقه واكون عندك ...خل المكيف شغال(اجل ابطفية والله اللي ماطفيته بعد والحراره تحت الصفر من هالثلوج ماشاء الله هع) وخل المسجل لا تشغله خربان بس خلك على الاف ام.

انا: طيب اخلــــــص ======> جاااااه النوم

ومن عربي انا الى هي اويو وهالاف ام عليهم اغاني مدري وش تبي عالصبح ..ردح من صباح الله خير!

خلص الرجال شغله ورجع بعد 20 دقيقه =====> حاسبها على ساعه السياره والا مامعي ساعه هع ..

راعي الجيب : عسا ماطولت عليك!؟

انا: لا لا ابد ======> ايه هين

راعي الجيب : هاه وين تبينا نفطر؟

انا: ياعيوني يالشميسي تصدق من زمان مارحت هناك----------> تلميح طبعاً ماقلت شي (قلت شي انا؟؟)؟

راعي الجيب : لالالالا مانبي وردة الشميسي قبل اسبوع ذبحني بطني منهم انواااااع المغص!

انا: ======> مسوي نفسه مايدري افاااااا ليييييه وش انت ماكل:؟

راعي الجيب : كبده!

قلت في نفسي (اشوووووووى ماقال صبه)

قلت طيب الشور شورك يايبه رح لم اللي تبي !

راعي الجيب : عرفه يمدحونه !

انا: عرفه والا منى ؟ هع

راعي الجيب : مسوي تذب انت ويا ويا ويا الخ الخ (الكلام مشفر موب شغلي انا ماشفرت شي)

انا: احس ان الهرج كثير لا يكثر وامشي نفطر ونروح ترانا نبي نتآخر على هالبربه !!

راعي الجيب : =====> يناظر نظرات مدري وش تبي

انا(فهمت هالنظرات) : طيب بس ترا الفطور علي ======> يبي يخف به هع علشان يهدا شوي

راعي الجيب (فتح مناخيره واسفهل شوي) ..


وصلنا للمكان المشؤوم (ايه نعم مشؤوم والحين تجيكم زبده السالفه)

نزلت اشتري ثنين صبه وواحد ببسي واحد سفن =======> ودفعت من حسااااابي ااااااه يالقهر نســــــــيت
(وانا احاسب واقول ياجعله مايحدرها هع) =====> جست كيدنق ========> آثار العنلقيزي ..المهم وعطيته الصبه (دوك الصبه ======>من دون نفس)

واكلنا وشبعنا ...وبعدها جاتنا المصيبه ..اصبنا بحاله من التخدر والفتور =======> والسبه الصبه ماش فيها بلا ياولد

المهم الساعه الان تشير الى التاسعه والنصف بتوقيت خط البلده قصدي البطحا هع...

انا: ورى ماتعجل الدوام مابقا عليه الا نص وساعه وتخبر انه في قلع(وادرين) ======> وادرين نسبه الى اخر الدنيا(وقالت العرب وادرين نسبه الى وادي الوحوش ماوراء الانهار هع)

راعي الجيب (وهو متخدر) ====> حشا ميب صبه ذي : طااااايب لا تنفخ

المهم وطلعنا مع طريق ماادري وين يقول انه مختصر (موب عاقل اللي يشوفه يقول رايح لادغال الامازون !)
ودوران ودوران ======> مابقا الا ربع ساعه ...!!

انا: ياااااااولد شكلك ضيعتنا وين طسيت فيها::!

راعي الجيب : ادل ادل ماعليك من ناحية نبي نتآخر نبي نتآخر ...!!

انا: يعني انك مخطط تتآخر والله موب منك من الصبه لا عادت عليها اللي لعبت فينا ماندري وين حنا فيه!!

راعي الجيب : ايه ايه ادل اسكت بس..شف الحين خلاص نبي نوصل ..حتى الاشاره اللي جايه اخلي البيك على يدي اليمين والف يسار!!!!!!!!!!!

انا: وش بيكه بيك الله راسك بلا!! هيييييييييييييييييييييييييه ترانا في الرياااااااض!!







حالتون من القلقي ....وطلعنا مع طريق مدري وش يبي ووصلنا 10 ونص!! لا عادت عليه فطور!!

=====> داخلين ركض على القاعه !!!

انا : شف ترا مالي دخل انت اللي اخرتنا ادخل على المصري وتفاهم معه موب شغلي!!

راعي الجيب : يؤ يؤ طيب اوريك يالجحده!

طق طق طق ======> ياعيني مسووين لي فيها مودبين يطقون الباب لا فالحين ماشاء الله !!

الاستاذ المصري : ادخل ياابني!!

راعي الجيب : السلام عليكم :
=====> انا منزل وجهي وامشي يعني ضاااااااايع ،،ادري ان الدعوة فيها ان ّّ!
الاستاذ المصري : عليكم السلام ...متآخرييييييين ليييييه ==========> واصله معه شكل العيال مطلعين ريحته اليوم كمالعاده هع
انا : موووووووب شغلي هو اللي مطلعنا من صباح الله خير يقول نبي نفطر وضيعنا مدري وين ودانا=======> نــــــكبه !!

راعي الجيب =======> وجه محمر زي كذا =>
(كنه يقول لي اوريك الوعد الطلعه ==> ياقدمي بس)

الاستاذ المصري : طيب مايتيله تلقسوا قتكم نيله !!

انا و راعي الجيب ======> كل واحد يناظر الثاني والوجه كذا



الاستاذ المصري : اسمك انت وانتا الاخر ؟؟ اه خلاص مخصوم خمس درقات من الامتحان القااااااي(


شوفوا الاستنذال بعد الامتحااااان القاااااي الله يلحقنا خـــــــــير على بال مانكون صلحنا براشيم وكلش هع هع هع


ارتحنا شوي =======> خششنا صارت زي كذا



(اعــــــوذ بالله من كلمه انا)


(تحذير طبي يؤكده العلماء والمتخصصين الخبراء ان الصبه تسبب خثره دماغيه )

(قالوا عن الصبه)

ام نوير (بياعه شروخ) : انني التهمها وكانها حبه فص فص !

عبدو (مقاول يمني خبره 99 سنه) : لا اتصور نفسي بدون الصبه!

عزيز وجه البعير(بكالريوس مقاهي - تخصص جراك - شعبه البكاشين) : طيحنا فيه ابو سعد الله يذكره بالخير من وين اني طلعت من جنين اميمتي وانا يحطون في فمي بدال رضاعه الحليب صبه!!


,,,,,,,,,,,,,,,,,,,,,,,,,,,,,,,,,,,,,,,,,

تنبيه مهم : اكثر احداث هذه القصة لا تنطبق فقط الا على افلام الاكشن .... هع