التكتيك ؟! .. لازم يتغير ! ..

اننا نلعب بنفس الاسلوب ونفس التشكيله بنلعب بالنار ! .. يااتضرب لنا ونمسك اللعب ونطلع بنتيجه ايجابيه او اننا ناكلها على روسنا ! ..

ومدام المباره فيها ذهاب واياب لازم نلعب على المضمون ! ..

يانلعب بثلاث محاور ! .. او نلعب بنفس طريقه الاتلتيكو بوجود رونالدو لوحده قدام وفي اليسار اربيلوا ومارسيلو ! ..

فيه ناس بتقول ليه مانلعب بأسلوبنا !؟ .. او ليه هل نحن مهو واثقين في امكاننا عشان نعطي اشبيله حجم كبير ونخاف منه ؟! ..
لا عندنا ثقه وعندنا الامكانيه اننا نلعب بأسلوبنا ! .. لكن الحق يقال الفريق لسه اسلوبه طري ! .. ومااعندنا الثقه والامكانيه الكامله عشان نطبقه في ملعب وسخ زي ملعب بيزخوان ! ..
فرض الاسلوب يحتاج الى وقت وتمرس ! .. ونحن الى الان ماكملنا موسم عشان يكون عندنا وقت كامل وتشبع وتمرس على اسلوبنا ! ..

بالنسبه لي ! .. كنت اتمنى اننا نلعب بنفس الطريقه الي لعبناها قدام الاتلتيكو ! ..
لكن غياب بيبي والاعتماد على البيول في القلب وخاصه الاعتماد على راموس كظهير ايمن في ملعب اشبيله راعبني ! ..
راموس في ملعب اشبيله يألف ويضيع مع استهجان جمهور اشبيله ! .. تشوفه يلعب لعب عجيب وغريب ! .. يفقد الكره كثير والتركيز ! ..
وذا الشيء يخلي عندنا مخرج يقدر يستغله لاعبين اشبيله الي طريقتهم تكون على الاجنحه ! ..

عشان كذا برتاح اكثر لو لعب مورينهو بثلاث محاور وراموس كقلب واربيلوا كيمين ومارسيلو يسار مع مسانده كبيره من المحاور له وتغطيته ! .. وياريت لو يكون لاسانا او خضيره مايل له اكثر من الونسو ! ..

مورينهو لازم يعرف كيف يقفل على اجنحه اشبيله لانها قوتهم ! .. كابل ونافاس وبيروتا اذا لعب بيكونوا مفاتيح لعب اشبيله ! ..
اشبيله مايخوف في موضوع الاحتفاظ بالكره وتناقلها ! .. لكن الخوف كله من نقل الكره السريع للأجنحه ومرتداته وسرعة اجنحته ! ..
واذا قفل مورينهو صح على اجنحته ! .. بيفقد 80 % من قدرته على اللعب وبينعزل كل مهاجمينه ! ..

المباره طبعا بتكون مشحونه جدا جدا جدا ! .. واشبه بحرب ! ..
وموضوع الفيديو والي حصل من مورينهو وتصريحات رئيسهم بيتخلي الدنيا نار ! .. وهي الدنيا مهي ناقصه ..
طبعا متأكد انه بيكون فيه طرد ! .. واكثر من واحد كمان ولنا الحصه الاكبر ! ..

عموما متشائم من المباره مدري ليه وفيه رعب منها ! .. بس برضو فيه امل بسيط اننا بنطلع بنتيجه ايجابيه ! ..

2-1 لأشبيله ! .. او 1-0 لنا ! .. نجم المباره في الاولى بيكون رونالدو واذا في الثانيه بيكون كاسياس ! .. وطبعا مسجل الاهداف بيكون رونالدو ! ..

وودي اعتذر لعلي ( عاشق ابداع الفيلسوف ) حبيب قلبي ! .. اني ماستخدمت الاسئله ! .. بس كلها تشمل الاسئله ..

موفقين ! ..

قفله :

ياريت ياشباب اي واحد يأمن لنا المباره بروابط تحميل ( طبعا اذا طلعنا بنتجيه حلوه ! ) .. لاني بكون مشغول وقت مباره الفريق ! ..