لو لاحظت أخوي صابر و لا يهونون الشباب في نهاية كلامي قلت لا دخل لاستراليا في عدم تأهل المنتخب يعني أنا أوافقك . لكن أنا أخمن وش كان يقصد الأستاذ أحمد ، يعني زي ما تعرف في تصفيات 2006 تأهل المنتخب متصدر و كوريا ثانية عن مجموعة و تأهلت اليابان و إيران عن مجموعة و البحرين ثالثة و لعبت ملحق ، يعني أتوقع كان يقصد فرضا أن استراليا و كوريا في مجموعتنا و إيران و اليابان في مجموعة ثانية رح تتأهل استراليا و كوريا و حنا نلعب ملحق ، لكن ردي عليه أن حتى لوفرضنا استراليا كانت معنا و تصدرت حنا هزمنا كوريا رايحين جايين وبنتأهل مع وجود استراليا ، لكن دامك مروق مرة خلنا من الكلام الدبلوماسي اللي فوق و أبقولك ليش الطيب و أي مصري يقول كذا ، أنت عارف أن السعودية الفريق العربي الوحيد اللي تأهل أربع مرات فضلا عن أنها متتالية و المصريين طول 12 سنة يشوفون المنتخب في كأس العالم و منتخبهم بس شاطر في كأس أفريقيا ، لأنهم يبغون يكونون نمبر ون في كل شي و سالفة أربع مرات ذي جايبه لهم الصمرقع و يتحججون أن قارة آسيا ضعيفة و لو المنتخب يلعب في أفريقيا كان ما يتأهل و لا مرة و العكس صحيح لو مصر في آسيا كان تأهلت عشر مرات ، لكن ما يدرون أن مواجهات السعودية ضد منتخبات أفريقيا تميل لصالح السعودية خاصة مع عرب أفريقيا و الله يذكر مرزوق العتيبي بالخير ، أضف إلى ذلك دامكم متسيدين القارة في كؤوس أفريقيا ليش ما تتأهلون مع نفس المنتخبات . أنا هذي وجهة نظري ،. و لك كل الشكر على تفاعلك مع ردود الاخوان.