نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Fahad Al Sudais · #8 23/01/2011, 02:45 PM

إقتباس

الرسالة الأصلية كتبت بواسطة مـوت ومـيـلآد !


	في أحدى ـأإ الليآلي المآطره , بتوقيت شششرق الريآإض ! حدث مآلم يكن بالحسسبآن , لا تندهشوآ , حيث قمت واقفه وهممت بلبس النقاب ! وقفت جدتي " أم إبرآهيم " وقالت وين تروحين بعز اللليل ؟ أبد بروح لـ إيكيآ ! إييييييه ومن بيروح معتس ؟ أحوووووووول تحقيق هو ! فـ تحركت يدهآ ورأيتهآ خلف ظهري وإذآ بي انسدح بالارض من قوة الضربه ! عليتس يد لقد أثرت بي ! هذا ماجنيتيه امسكي يدي وخليني أنهض ! توتس ماشاءالله ضاربتني ! تختلف المواقف ياحبيبتي ! اهآأ صصصدقت ! يآلله نرووح ؟ وين ؟ لـ كيكيآ ! وش وش وش وشششووووو ! مدري عنتس انتي ومحلاتتس ذي , بعد خليتيه محل ! وين اخوتس بس والسياره وينهآ ! برآ تحتريتس يآلآنسسسه آلصصصصغيره ! إيه زين يآبنيتي شيليني مآ أقوى أمششي ! هآه , هوت عليتس مكنسسة الكهرب ! لا آنآ كذآ مااتحمل فوق مالا طاقت بي ! من اول وانتي مستلمتني تجريح بتجريح ! رفقآ بآلقوآرير , والله يآحلآة من اخذ قآروره وصكهآ بجبهتس ! يآلله تاخرنآ يآبعدي , عشششآن بسسس خآطر هالكلمه الاخيره بأخذتس معي , والله كنت بهون منب موديتتس لـ إيكيآ ! مآ دريت الآ جسسمي يسسبق العآصفه , يآعليهآ ششوته إنمآ أيه ! لو تلعب مع المنتخب السسعودي كآن جآبوآ كأس أسيآ ومن ألحمممآإسس كأس اوروبآ بعد ! وركبنآ آلسسيآره , لو تدرون هي وش سسوت ! عفطت نفسها وخلت رجلها تنقلب لورا عششان بس اهمز وحده من رجيلاتها ! يآلله ( آلجنه تحت أقدآم الأمهآت ) ! ووصلنآ , ونزلنآ وقآل اخوي بجيب عششا وبجي , فجأه كذآ جا صصوتهآ الجهوري ! اييييييييه يآوليدي كثر من هالمرقوق والجريش وإذآ عندهم قرصان مااقول لا , ومر عالبقاله وجب لبن ! ولا اقول ياوليدي جب حنيني وانا اسسسويه مير يدفينا بهالبرد ! وجب معك بيتزآ محمد , وش هو ذا لا مهوب زين لتس بعدين يجيب الزيتوم ! نعم ! وش يطلع هذآ بعد ! هذآ اللي يجي بالركب ! أسسسسسسسسسسسموه آلرومآتيزوم !اييييه هذا هو , مير لا تاكلين هذا اللي قلتيه !جب لها مصابيب , الوكآد , أإننآ نزلنآ ومآ أن حطينآ أرجلنآ على عتبآت الباب ودخلنآ حيث ريحة الأثآث السويدي يشع المكآإن , هتفت أم إبرآهيم ! : مير يآبنيتي والله مآعآد فيني طآقه رجيلآتي قآمن يخورن , بعدين مااخذت دوآي حق الضغط ! قآيله لتس مكآنتس مهب هنآ مكآنتس بآلجنآدريه بس ماتسمعين الكلآم ! قسسسم بالله لو ماتبلعين لسانتس لا اخلي هالعصا تلعب كيرم بظهرتس ! طيب , تبين اجيب لتس كرسي تجلسين عليه ! لآ أبي رقآدي و ألرآدو , مآسسمعت الأخبآر اليوم ! طيب تكفين قومي معي , بزر انتي روحي لحالتس قلت مااقوى امشششي ! وإذآ احد خطفني منيب مسامحتتس ! على ذمتي محد خاطفتس مين يبيتس انتي ! وانتي ماتبيني , والله ياجويد لآ تخليني اطلع فيك نظآم أول مع عيآل الحآره ! طيب , المهم اني رحت وتعديت ووصلت للدور الثاني ! وكلها مجرد نقزه نقزتها مع رفعة العباة ! لو احلف لكم ان اغلب اللي يجون هنا اجانب , أخذت الغرض وجيت بحآسب , صصصف بجنبي وآحد ششآيب معه زوجته العجوز ! جد مآإشششآءالله آلله لآيضضرهم , مو عششآنهم إلى الحين متمسكين بآلحيآة الزوجيه ! لآ , بسس عششآن نششآطهم وحركآتهم وحيويتهم , يعني تقريبآ تعطون اعمآرهم فوق آلـ 70 ! ومع ذلك مآنششوفهم يتششكون من مرض ولآ من تعب ولآ من كسسل ولآ من جلستهم بالبيت ! دآئمآ مانشششوفهم بالمجمعآت والاسسوآق , اغلبهم كبآر بالسن وشفهم ماششآءالله يسسرحون ويمرحون ! بآلمششغل بعد , وحده من آلبنآت تقول والله ششآيفه عجوز بريطآنيه تتكشخ ووتتعدل ! وتأخذ احلى ـآإ القصآت اللي تمشي عالموضه ! يعني معقوله مايهد حيلهم الكبر بالسن .؟ ولا لأنهم فعلآ تعودآ على هالشي وصآروآ يعتمدون على انفسسهم .؟ ولآ يمكن ربي أبتلى ـأإ العرب بمثل هالأمرآض لأنهم مسلمين و تكفير لذنوبهم ؟ وألأجآنب الغير مسلمين مخليهم على ـأإ رآحتهم بآلدنيآإ ؟ الله اعلم ! وانآ اتحسسسر على جدتي هالمسيكينه , مو بس جدتي إلآ كل اغلب الشيبآإن ! من يصير عمره فوق الـ 50 , صار بيته وجلسته شغله الشآإغل ! مغير ماخذين لهم ربعه بوسط الصاله , وخوذي يالتعب , مرض يجي ومرض يروح وأدويه يمين وادويه يسآر ! بسسس يآلله مآ نقول إلآ عسسى ـإ مآ أصصآبهم تكفير لذنوبهم ! وانآ سسآرحه بالمقآرنآإت , إلآ أششششوف شي اسسود متششبصص بالزآويه ! هذي جدتي ! وانآ اللي أركضضضض وأسسوي حركه والف بالهوآإء , تفآدي الصدمآت البشريه ! والأجآنب يصصفقون على بآلهم مقطع من فلم زورو ! <<--- تخبرون انتم هم متعودين عالأفلآم والأكششنآت !تصصدقون انه فيه واحد قالي : برآإإفو برآإإفو , ات از فري قد , نآإإيس ! أسستحيت وقلت أوه ثآنكس ! قآلي لآ لآ لآدآعي للشكر فقط أقبلي العرض وشششآركينآ بالتمثيل ! قلت اقطع واخس فيهآ قبآيل ذي !وسسفهته وانآ قلبي يغلي يغلي يغلي أبي امثل مع جورج ونيكول وكآميرون وتوم ! بسس مآصصحآني إلآ ندآء الأسستغآثه , طلع صصصوت ألأأمن ينآدي على اسسسمي , أنفضحنآ بين العرب ! <<-- إي عرب كلهم أجآإنب ! رحت وإلآ اقى ـإأ جدتي يآإبسسسه من آلبرد ! يآإعمري يأأم إبرآإهيم , كل شي ولآ انتس تموتين من البرد ! يآلله قوه للبيت , آلحين مالتس عذر أنتس تشليني ! أكيد

اللي يقدر يعد الفيسات أعلاه له جائزة كتير محرزه.. أقل شي راح اعطيه صحن حنيني

ايطالية عنيزاوية شكراً بتوقيت شرق بريده