هذا والله انه مسيكين الرجال اذا تكلم قعديناظر للكاميرا لانه يغازل وبعدين والله ماتمسك منه شي يمدح (زيد) واذا قال واحد من اللي بالمجلس ان (زيد)مايعمل كويس طلع المنافق وقال والله انك صادق انا اشوفه كذلك واذا سب (عبيد) وجا واحد ومدح (عبيد) قال والله انك صادق وبعدين ابلشنا باللجان واللجان واذا تكلم احد قال ياناس لانتكلم باللجان المسأله ماهي باللجان المسأله باللاعبين اذاواحد قال اللاعبين ماهم بمستواهم قمز عسى يقمز عليه (بس)قال المسأله ماهي باللاعبين المسأله بالمدرب واذا واحد قال المدرب مايصلح للمنتخب قاطعه عسى تنقطع رقيبته وقال لانحمل المدرب الاخفاق المشكله الحقيقه انهم ماعطوني اي دور اقوم فيه برعاية الشباب حتى لو ارقص لسواويق باصات رعاية الشباب وهنا اللي لازم نوضح عشان المتلقي يعرف اش حنا قاعدين نقول ونصوب على الهدف بدل لانلف وندور فالمفروض ايش اللي صاير وهذي مهمه ولا فيه احد ملقيلها بال لاننا حنا نروح ونرجع ولانجي ونحط اللي صاير عشان يعرفون الجمهور ايش اللي صاير يعني تخيل مستوى واحد ماعنده اي مقومات انه مهاجم ولاعنده مستوى والمشكله الحقيقه انه ايش اللي صاير يحطونه كبتن للمنتخب ويعطونه شارة الكبتنيه وهو ماعنده مقومات الكبتنيه هذا (يحفز) اللاعبين ويخلق حساسيه بين اللعبين احنا في غنى عن اللاعب اللي مايستحق يلعب واي واحد احسن بعدين اذا على (تهتيف)الجماهير عليك اذا قالو هذا وينه ياخي انت لاعب كبير انا اعتبرك احسن لاعب بالمنتخب ولا واحد احسن منك والعكس صحيح وبعدين نرجع للموضوع(يعني كل اللي قاله وتوه مادخل بالموضوع ولايدري وشو الموضوع)بالنسبه لسؤالك اصلح اصير رقاصه او ماصلح تقدر تسأل اي واحد من المجموعه اللي ماتعرفون واسمع وش يقولون(في هذه الاثناء كل اللي جنبه طلعو لاته انتهى البرنامج وهو عينه مانزلت عن الكاميرا)اقول ياصبر الارض والكامير ا واللي حولك عليك كره ماكرهك