نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ▐▐عشاق الكرة الصفراء 2012 ▐▐ go tennis 2012

رهـيـف · #13 18/01/2011, 09:37 AM

إقتباس


	رهيـف .. أجل كريم ! روح لـ أمين أزين لك إلا وشسمه الفندق ؟ ما قلت لي عن الجمهور ؟ شحسيت فيه وأنت تسمع تعليقات على تبادل بطل في الأخير بلغة غير مفهومة . وصحّ على الدخول أذكر دخلت في 08 التذاكر بِـ 40 راجع لك بالتعليق , بالذات على زيمونيتش

فندق اللاعبين كان ( جراند ريجنسي الدوحة ) ، حاطينهم بالشاليهات ( روووعة )

بالنسبة للجمهور حكاية
لو اتبعت أسلوبنا المتعارف عليه ، تحس وقتها انك ( شذيت ) عن الناس

يجبرونك تتصرف مثلهم ، وصراحة أعجبني فيهم احترامهم للخصم
لك أن تتخيل اني في لحظة ما حسيت أن الملعب كله مع ( تسونغا )
لما لعب ضد ( فيدرر ) ، وشوي بس ( فيدرر ) يلعبلك وحده صح

إلا المدرج كله يهتز له ، ولا يفوتك مره دق جوالي ، ووقتها أنا محتاس
معي الكاميرا ، والجاكيت في يدي ، وصورة ( نادال ) معي ، والكراسي ممتلئة

يعني تحس انك في ( اختبار عدم التحرك ) ، أقوولك جوالي هو دق بس !!

تعال شف الجمهور كيف يناظرون ، والمشكلة أنا تأخرت على ما طلعت الجوال من حوستي

يقولون أخوياي ، والله ياهي اللي جنبك خزززتك بنظرات شوي ( وتذب )

وكان مره فيه شباب من الأحساء ( مجانين رافا ) كان معهم علم السعودية
لو كان شفتوهم بالمدرج ، المهم قالبينها مباراة قدم

يقعدون يصارخون ( I love you rafa )

والحكم كل شوي يسكتهم ، ويأشر بيده لهم

والله ما عندك أحد ، المهم جاهم الأمن ، وشوي تفرقوا
بعضهم جاء لمدرجنا ، وبعضهم توزع في نفس مدرجهم

ووقت البريك ، يسولفون مع بعض بصوت عالي
منسميييين هههههههههه

واحد منهم طلع في صورتي مع ( الشطي ) كان بالضبط وراي
وكان معه كورة ويبي ( الشطي ) يوقع عليها

بعدما صورت ونزلت من منصة الاستديو ، التفت على ( الشطي )
ورفع يده يقول ( خمستك يالشطي ) يعني صافحني

والعالم ميته ضحك ، سلم عليه ( الشطي ) وقاله أبيك توقع لي عالكورة
قاله معك قلم قال لا

ويروح ( الشطي ) لطاولته ويجيب قلم ويوقع له

هذولي هم الجمهور السعودي وين ما يروحون

ومره بعد جانا صفة ( توانسه ) الله يجزاهم خير ( شباب وبنات ) ورانا بالضبط
وواحد منهم مسوي أنا ( جون ماكنرو ) كل شوي يعلمهم طريقة الضربة

وأن ( فيدرر ) أرقامه صعبه ، والمشكلة تقول يهمس ؟! لا بصوت مرتفع
ومره يطلب لاعب التحدي ، وهي واضحة قدامنا انها آآآوت

هو يقول لربعه ان ساااايد ، وأنا وقتها رسمت الابتسامة لأني أدري انه بيلقط

شوي الا الشاشة تقول انها آآآوت سايد

أنت تقول انه بيسكت بعدها ، لا يقعد يقولهم بس هي واضحه انها ان سااايد

المشكلة المدرج كان ممتلئ ، والا كان طمرت على كرسي فاضي !!

وبرضوا ما أنسى بعض الأجانب من عشاق ( فيدرر ) كيف كانوا يتحدوني
بطريقة مهذبه ( ومحببه للنفس ) << وش تذكرك هالكلمة

وبرضوا تعلمت كلمة ( لااااتس قووو رورجر لااااتس قووو )

والله ياني حمستهم ، كل ما أقولها يرددونها وراي

والمشكلة صورة ( نادال ) معي ، وأشجع ( فيدرر )

وبالنسبة لـ ( زيمونيتش ) كان يسولف مع طاقمه في الفندق وتوه جاي من الملعب
وأنشب له عند ( المصاعد ) يسولف معهم ويشوفني

واااضحه أني أبي ( فوتو )

ويقعد يا حبيبي يسولف الظاهر عن تاريخ ( صربيا ) والحروب القديمة
خويي يقول يا عمي طنشه ، قلت شف أصلاً بعد صورة ( فيدرر ونادال )

ما عاد مثل ( زيمونيتش ) طمووح ، لكن المسألة عندي عنااااد

وأبشرك انتهى تحليله عن حروب صربيا
وقررب من عندنا وطمرت واستأذنته للتصوير

وتكرم مشكوراً المحلل السياسي والمصنف الثاني في الزوجي