ما فيه شك ولا ريب إن يونس محمود مهاجم من طراز كبييييير جدا
وهذا الشيء يثبت في كل مره نواجه فيها يونس سواء في المنتخب
أو فريقه لابد وأنه يسوي لنا قلق ..!!
وفي الحالة هذي يجب على الجمهور إنه يعترف بأحد إمرين :
إما إن دفاعنا بالمنتخب وبالهلال شوارع عشان كذا جاء مهاجم ضعيف في وجهة نظرهم
اسمه يونس وهبل فينا ..!
أو إن دفاعنا جيد لكن يونس فنان ..!
المشكلة وأنا أخوك إنه يتفوق على ياسر في المواجهات اللي صارت بين الاثنين ..!
ومع ذلك يجيك ناس من الجمهور يقول ما يعرف يلعب وهذولاء النوعية معروفين ..
وهم اللي عندهم اعتقاد إن اللاعب لا صار أجنبي نبي نرفع فيه قبل لا يجي ..!
وإذا صار عربي من الآن أنواع الاستحقار والسب والشتم ..!
وهذولاء بعيدين كل البعد عن ( الواقعية ) بل تحس بأنهم يرفضون أصلا استخدام عقولهم
للمقارنة بين لاعبين عربي وأجنبي بحجة إنه أصلا عربي يعني زلابة ..!
مع إن الواقع يقول إن العرب اللي جو عندنا في جميع الأندية السعودية نسبة 60 إلى 70 % نجحوا !!
في المقابل الأجانب غير العرب عد واغلط كم عدد اللي يجون في الموسم الواحد ويطردون
في نص الموسم أو نهايته لذلك نسبة نجاحهم ما وصلت للـ35% ..!!
هذا هو الواقع اللي يجب على الشباب النظر فيه قبل الحكم المباشر هكذا بس عشان اللاعب عربي !!
والمشكلة تقريبا جميع الأجانب العرب اللي جو عندنا في الهلال وضعوا لهم بصمة وكانوا مميزين
أمثال نجيب الإمام وصلاح بصير وبشار وجاسم وطارق وبهجا ..!!
( تحدثوا بواقعية يا شباب )
اخر تعديل كان بواسطة » أبـو زآيـد في يوم » 17/01/2011 عند الساعة » 07:41 AM | 