| طيب انا وشرايك فيني اذا الهلال زعيم نصف الارض مات زي ماتقول
ويش خليت للاتحاد الي ماله الا خمس سنوات وهو صاك السماء ولا قبل كان فريق عادي ينصك بالاربعة
والخمسة الرياض يصكة والشباب يصكة والنهضة فازت على الاتحاد عام 1414
طيب عندك الاهلي الي دايم يوصل للنهائي ويخسر وله اكثر من 15 سنة ماحقق الدوري خل عنك الاهلي
خوينا وحبيبنا النصر الي له اكثر من سبع سنين ما جاب بطولة وجمهورة المتخلف ما سوو سواتك اقرب واهم مثال
الشباب شباب سعيد العويران وفهد المهلل وفؤاد انوار والرومي بيع لعيبته واعتمد على فريق الناشئين واختفى الفريق عن البطولات حتى المربع اختفى عنه هل مات لا بل عاد بقوة وحقق الدوري من فم النمور في جدة فهل مات الشباب
صحيح خسرنا نجوم كانت تحرث المستطيل الاخضر حرث ولاكن الباقين فيهم الخير والبركة
والهلال سيعود زعيما
وزي مايقول المثل حبة فوق وحبة تحت تبي دايم فوق لازم مرة تحت | 