مشاهدة مشاركة بصفحة مستقلة
  #9683  
قديم 07/01/2011, 05:21 AM
الصورة الرمزية الخاصة بـ البلانكو10
البلانكو10 البلانكو10 غير متواجد حالياً
زعيــم مميــز
تاريخ التسجيل: 22/07/2007
المكان: @jehad_10
مشاركات: 2,235


رساله خبيثه من مورينهو اليوم يوم يطلع البنز ويلعب بكاكا هجوم ! .. وكأنه يقول للاداره مهاجمنا وماعندي اي مهاجم اثق فيه وصرت العب كاكا قدام ! ..
مع انه عنده موراتا في الاحتياط بس فضل ارسال الرساله على اشراك موراتا ! .. لانه وقتها مالها داعي يوم يشرك الورع ويسجل ويحرج مورينهو ويعزز موقف الاداره ! ..

رساله واضحه جدا للاداره ان المو يحتاج الى مهاجم ! ..

عموما هارد لك الخساره .. ومبروك التأهل

نرجع للنقاشات شوي ..


إقتباس
الرسالة الأصلية كتبت بواسطة RMS
جهاد



بالنسبه لي شرحيلي مثل ددسن موديل ( ما فيه احد ) لكن لها مكينة طياره و ما فيه لا مكيف ولا حتى مراوح و الجنوط مقاس 14 كل واحد بلون

مركز شرحيلي الوحيد هو لما يكون الفريق يلعب بـ ثلاثه بالمحاورو لازم يكون هو براس الهرم

الونسو ......... خضيره

شرحيلي

وهذي التشكيله شفناها في مبارة البرسا بـ الشوط الثاني
وفي ذيك المباره فشلت الطريقة

ميزته انه بثر لا اكثر ولا اقل
يبثر ام الشعب و 70 % من بثارته على غير سنع
بثارته بدون عقل و اغلب التحاماته فاولات علينا


اما الظهير اليمين فـ هذا المركز مليان الى بكره
( راموس - البيول - اربيلوا - قاراي )

راجي ..

المشكله مهو ان الاعب بثر وغبي ودرج ! .. المشكله ان فريقك يحتاجه ! .. وزياده على احتياج فريقك الاعب يقدر يتطور ( زي تطور مارسيلو ! ) ويفيد فريقك كثير كثير كثير ! .. الاعب عنده امكانيات كبيره بس مخه مادري وين حاطه خخخ ( انا مادري وش مشكلتنا مع اللعبيه الي عندهم امكانيات وماعندهم مخ < وجه يتذكر درينثي خخ ! ) ..

الريال اكيد بيطلع احد المحاور ! .. و 99 % بيكون ممادو ديارا ! ..
عشان كذا انت تحتاج ديارا ! .. على الاقل بيكون تنويع في محاورك وايضا بيكون عندك محورين قوييين ومقاتلين ( خضيره وهو ! ) ..

انا اشوف اخراج لاسانا خساره للفريق ! .. لانه لاعب قادر يعطيك ! ..
عنده المهاره واللياقه والقوه والنشب وكمان قادر انه يحتفظ بالكره ويسلمها صح ! .. يعني الاعب يفيدك لو تطور كأساسي كمان ! .. ولو استمر على نفس الهبل حقه على الاقل يفيدك كأحتياطي وقت ماتبي تقفل او حتى كبديل لاحد الاساسين ! ..



إقتباس
الرسالة الأصلية كتبت بواسطة Z I D A N E

جهاد حبيبي الفريق بالدور الثاني بيدخل مراحل حسم في 3 بطولات !
الأمر مو سهل ابداً .. صعب و مجازفه كبيره اذا الريال ما انتدب اسم جديد وباي طريقه
كريم بنزيما الى الان .. تحت مستوى التوقعات و الامال المبنيه عليه
للاسف كريم الى الان مو عارف كيف يستغل ثقة مورينهو والاداره فيه
مستواه مذبذب .. يعاني من عدم الاستمراريه في الاداء التصاعدي .. فرص بالكوم تضيع !
اختلف معك في نقطة كريستيانو .. انه يصلح مهاجم
صحيح ان معدله التهديفي خرافي حتى الان .. لكن كريستيانو تبي تخسر 60 % من قوته اذا حطيته بالصندوق
كريستيانو النجم اللي عرفناه .. يتحرك يمين ـ يسار ـ ينزل الصندوق ويسوي اللي يبي
لكن انك تحطه بين كماشة الدفاع ؟ هذا امر صعب وتبي تخسر الكثير من امكانيات كريستيانو على الاجنحه
وفوق هذا كله انا اعترف بصعوبة شراء صفقه كبيره في يناير .. قليل نشوف الفرق الكبيره تشتري بسخاء في يناير
ايضاً الريال من بيلقى لاعب متاح و يلعب الابطال و كبير .. قليل جداً
وبرضوا في خيارات مثل نجريدو (اعادة شراء ان ماخاب ظني 17 مليون )
وخيار مغمور اللي هو فالديز لاعب هيركوليس .. الزبده بنزيما مسوي عقبه بالفريق
بيريز خايفن عليه و وده يعطيه فرصه اخيره .. والى الان كريم بنزيما ماهو باللاعب المقنع .. مع الاسف





ثامر حبيب البي ! .. ياخي من زمان عنك يالخايس ..

انا معك ان الفريق بيدخل مرحله حاسمه ! .. وخاصه انه ينافس على ثلاث بطولات ! .. وانا اصلا اميل لمورينهو واحتياجه للمهاجم ! ..
لكن برضو مورينهو يقدر يعتمد على الاعبين الي عنده ويحل مشكله هجومه ويصعد بعض الاعبين الي معه ومنهم موراتا ! ..

كريستيانو مهاجم ! .. قد قلتها انها ممكن تكون افضل للفريق بس مهو افضل لكريس وخاصه انك بتكتمه ! ..
لكن مع عوده كاكا الفريق بيكون مليان في المنتصف ! .. وانت تحتاج انك تلقى خلطه تكتيكيه بين كريس وكااكا عشان ينسجموا ويلعبوا مع بعض بشكل ممتاز ! ..
الاثنين ذولا كل واحد فيهم يعشق المساحه ويعشق انه يكون حر في الملعب ! .. وبيكون صعب مره انك توظف الفريق بهم وتعطيهم كلهم حريه في الملعب ! .. عشان كذا لازم تشيلها عن واحد وتعطيها واحد ! .. الا اذا جبت المعجزه ووضفتهم بشكل مريح بحيث ماايصير تداخل ادوار مع بعض ! ..

واانا اشوف كريس قادر على اللعب كمهاجم ! .. واشوفه يقدر انه يكون المهاجم رقم 9 حقنا كمان ! ..
الاعب ماشاء الله مكينه تهديف ! .. قوي بدنيا ويجيد الكرات العاليه ! .. يعني يقدر يفيد الفريق في الامر ذا ..

يعني كريس كمهاجم يقدر يفيد ويقدر يحل مشكله هجومك ؟! ايه طبعا ! .. بس هل كريس بيخسر الكثير وبتقلل من خطورته ؟! ايه طبعا ! ..

بس مايهمني كريس يخسر الكثير ولا لا ! .. لانه نحن نبني الفريق على مجموعه مهو على لاعب ! .. واذا كان الافضل للمجموعه ان كريس يروح للهجوم فخلاص يروح للهجوم ! ..

عموما وانا كل الي ابي اقوله ! ..
ان مورينهو معه الحق بطلب المهاجم ! .. لكن برضو الفريق يقدر يعوض غياب المهاجم ذا بالمجموعه الي عنده وباعطاء المواهب فرصه اكبر ! ..

اما البنز ! .. اشوف انه بدري اننا نحكم عليه بالاعدام وخاصه ان توه تجيه الفرصه الحقيقيه لاثبات الذات مع اصابه هيغواين الطويله ! ..
ننتظر ونشوف ! .. مع اني اشوف ان البنز بيبقى تحت ضغط كبير حتى ولو بدا يسجل الاهداف ! .. لانه بيكون مطارد دائما بأحتياج مورينهو للمهاجم ومقارنته بهيغواين ! ..
وكل ذا بيروح اذا اثبت البنز نفسه وبجداره ! .. او حسم للريال حاجه ! ..

والى الان باقي متفائل بالفرنسي ! ..