|
وتعبت خطوتي مني ....
السلآآآآم عليـــكم
أقدم بين أيديكم منثورة توي مخلصها وحبيت تشاركوني معانيها
إن شاء الله تعجبكم...
...........................
(وتعبت خطوتي مني) ...
وانا اللي كنت أصبرها بهقواتي...
على ذاك الرصيف اللي أحسه أول دروبي ومشواري وطموحاتي ..
مشيت بفكري السارح .. مع أشواقي .. مع أمالي ..
اشوف الحلم متحقق..
اشوف بزوغ نور ن كان متبدد بدى يشرق ..
....
رفيقي طال صمتي والتعب صاب القدم والقلب ...
متى تفرج واشوفك وسط حضني يارفيق الحب...
اعد الوقت باللحظة ونبض القلب يتسابق مع اللحظة ويسبقها...
ويسبقني ويسبق كل خطواتي كأنه طفل يتلاعب بنبضاتي ...
شعور أشبه بألوان الفضا لما تشع الشمس والقطرات تحضنهـــا...
أحس بذعر يربكني ..
احس بفرح يسرقني ..
أحس بغصة الملهوف تخنقني..
أحس بحب يتراقص على صدري ويعانقني..
وصدري كان متحمل ومتأمل قدومك يابعد عمري ...
جلست بخاطري السارح على الكرسي ..
أسلي نفسي بنفسي ببعض احلام وردية ..
مع طيوفك مع وصوفك واضحك ضحكة عفوية..
رغم طول انتظاري ما أبد مليت من صبري ..
تحريتك بكل الشوق واللهفة ..
وانا عني لأجلك أنتظر عمري ..ولوأوصل إلى حتفي .. وقلبي يوصل لحتفه ...
أمانة لا تخليني
وانا المتعب وتعبت خطوتي مني
......  | 