إقتباس الرسالة الأصلية كتبت بواسطة MILAN LEGEND

صوووورة بطلة وبانتظار صورة لأنتونيني

أخوي sword

أنا أختلف معك في كلامك عن أليغري وانه ما يتحمل الا 20 % من النتيجة

بدينا بشكل كويس هذي صح لكن بعد خروج بيرلو تغير الفريق بشكل كامل وضاع في الملعب

روما دخل المباراة وكان ناوي على نقطة بس ولو تجرأ روما في الهجوم من نص الشوط الأول كان ممكن يسجلون

والشوط الثاني الفريق كان ضااااايع واللعب كله كرات طويله للهجوم المتسلل , واليغري يتفرج ؟ معلش هذي غباء مدرب أو ضعف في شخصيته .


بالنسبة لرونادينيو ما أحد بيجزم انه ممكن يغير من وضع الفريق لكن مافيه غيره

خصوصا ان رونالدينيو لاعب يصنع الهدف مفروض نزل مكان سيدورف اللي كان عاله على الفريق . مورينيو يغير أحيانا في الشوط الأول تغير تكتيكي ويمكن يخرج لاعب توه نازل لمصلحة الفريق وكابيللو تغاضا عن مشاكله مع بيكهام ونزله أساسي لما احتاجه مع ريال مدريد على عكس ديمونيك وماردونا في كاس العالم اللي فشلوا عشان تفرغهم للمشاكل مع اللاعبين .

طيب اذا قلنا ان اليغري مو مقتنع برونالدينيو وانه مايفيد الفريق , ليش يحطه في الاحتياط وينزله اخر الدقايق ؟ ليش ما يظم لاعب او لاعبين من درجة الشباب او الرديف في الخانات اللي يحتاجها ؟

صحيح الميلان وصل المرمى وضيعوها الهجوم لكن تراها جت مع الفريق بالصدفه وهذي تصير في كل العالم وماتعني أن المدرب يكتف يدينه وينتظر الفرج