إقتباس الرسالة الأصلية كتبت بواسطة Blanco Soul هلا ابو عبدالله بصراحه استمتعت وانا اقر موضوعك , بس والله انك مخفه كان اخذت الخمس ميه وخليت عن البزوطه ومسوي انك شريف .. والله يوم قريت معاناتك ومعانأة هلالي الشماسية حسيت اني بنعمه الله يعينكم يالمدرسين بس والله معاناة خصوصا اللي يطلع برا محيطه يعني انا من الوسطى ليش يودوني الجنوب وانا ماعمري طبيتها ؟ والعكس , عندنا معلمين من الأحساء والجنوب , طيب ليه مافيه نظام دقيش بالتعليم .. تعال ياذيبان وخل عنك الجبال والحاجات الخايسه الخرج ترا حلوة واهلها طيبين مرره حتى طلابها على فكرة لو تجي مركزك موجود لان فريقنا ناقصه مهاجم لاهنت ابو عبدالله .. الا على فكرة انت تبع الجامعة والا كلية معلمين ؟

والله لو ماهي حرام لا خذها عشان يبطل يتحدى مهاجم هداف زي الماثل قدامك


جامعي والحظ ماجا معي


والله أتشرف بتواجدي بين أهل الخرج بس المسافة مرة مرة بعيدة انا بحثت بجوجل ولقيتها تبعد 800 كيلو عن مكة صح

ترا الخرج لو بطلبها مباشرة راح تجي لكن سأبحث عن أماكن تبعد 500 كيلو فأقل عن مكة وليس أكثر وإلا بوجودي بينكم راح اكون بخير ولي الشرف وأنا اخوك

بالنسبة للمركز مايحتاج لو جيتكم بالخرج ماراح تحلمون بالفوز

عارف لحد اللحظة لعبنا تقريباً 15 مباراة فزنا بمباراة واحدة والفريق اللي هزمناه صكنا 6- 1 بمباراة ثانية وتعادلنا ثلاث مرات والباقي خسائر والمصيبة نص المباريات نتقدم فيها بهدفين او ثلاثة ونخسر

عموما الرياض ماراح أطلبها لأني لو لعبت بحواري الرياض عز الله كالديرون بيقشع وليد الجيزاني ويحطني مكانه