نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

عـــ الزعيم ـــاشق · #8612 14/12/2010, 07:17 AM

هدوا يا شباب الشايب عصب

حاب ادخل بالنقاش واعلق على نقطتين .. النقطة القصيرة لفهد

حتى لو الاس قالت نبي لاعب محور بالشتاء هالشي مايعني ان الريال فعلاً طلب محور ! يبقى مجرد خبر صحفي مصداقيته مش ولا بد .. متى ما اشتروا محور في الشتاء ذيك الساعة نحكم ان مورينهو لايثق في محاورنا

بالنسبة للنقاش حول لاس وخضيرة .. من رأيي الشخصي ان خضيرة قدم موسم رائع جداً وكان ممتاز في التغطية الدفاعية وبناء المرتدات والتمرير

يعيبه انه مايستغل جسمه في الالتحامات القوية ومتى ما استغله صدقوني محد بيعدي من عنده

طبعاً مثل ماقال شايبنا مؤيد

الاحصائيات تؤكد على ان خضيرة من اكثر اللاعبين ركضاً وتمتيراً للملعب

والاكثر دقة للتمريرات مشاركة مع ألونسو الي محد ادق منه

استخلاصه للكرة جيد واكثر مايعجبني فيه انه يلتزم بالتكتيك ..

اما شراحيلي اول ماجانا كان مجنون وقلنا جا الي بيعوضنا غياب ميكاليلي وطرنابه .. من يوم الـ٦ ونكبته لنا بهدفين وهو طايح بحفرة ولاعارف يطلع منها .. والأن ابدع في المباراة الي راحت وكان افضل لاعب في المباراة .. ولكن مثل هالخوال ماتضمن مستواهم فجأة يجيك مخنبق

بنزيما سجل هاتريك قدام اوكسير قلنا بس رجع مستواه ! امس لعب تحسبه اول مرة يلعب فحياته

لاتطيرون باللاعب ياشباب الين يثبتلكم انه مستمر على المستوى نفسه اكثر من ٥ مباريات .. اما لاعب مستواه مباراة مرتفع والثانية منخفض مانقدر نفضله على لاعب من اول الموسم مقدم مستوى اكثر من المتوقع وماهبط مستواه الا في مباراة وحدة وهي الكلاسيكو طبعاً باعتبار ان الفريق كله كان هابط مستواه مو خضيرة لحاله ..

لاسانا ديارا .. لو استمر على نفس ادائه قدام سرقسطة طوال الموسم ابصم انه راح يصير من احسن محاور العالم .. اما ان جلس يطلع وينزل فمكانه الدكة لأن عندنا خضيرة الي بنظري اشوف مستواه ثابت جداً ..

لكم كلكم ..

تحيتي .،،.