السلام عليكم ورحمة الله وبركاته

بصراحه ما امون عليكم حتى اسألكم عن اخباركم

^^ الصدق ماودي اسأل ..

صباح\ مساء الخير زعماء , زعيمات ..

ماودي اكتب موضوع بس طفششت ..

مالي يوم واحد مرتاحه من الاختبارات الا طفشت ..


قال النبي -صلى الله عليه وسلم-: (نعمتان مغبون فيهما كثيرٌ من الناس الصحة، والفراغ)<== حديث صحيح

فعلا صدق رسولنا الكريم عليه افضل الصلاة واتم التسليم ..

الموهيم :

الصراحه سبب كتابة الموضوع هو الطفش

لكن مضمون الموضوع مهم مره ..

الله مير يسلمكم , السبت الي فات مو الي قبل شوي ..
كان عندنا اختبار تربيه اسلاميه , والمادهـ سهله جدا ولا تحتاج مذاكرهـ ,

لكن انا زيادهـ حرص مني ذاكرتها الجمعه الصباح ولا خلصتها بساعه مدري ساعتين <= قسمن كثير انسى ..

الموهيم ورحت للاختبار وكانت الاسئله مره سهله الا السؤال الاول ..

وانا حطيت خطأ لان حاولت اعصر الي قريته في المادهـ وسويت استنتاجات وحطيت خطأ ..

الموهيم , الي جنبي دافوره مثلي <== يَ شين الثقه اذا ماكانت بمحلها ..

والله ماقصدي اناظر وعيني طاحت على ورقتها وانا اساسا كنت مخلصه

لقيتها حاطه صح ..

رجعت لورقتي جلست اناظر بالسؤال , واحاول استرجع المعلومات واحاول , لقيت ان البنت هي الي صح عليها ..

وقتها : وقسمن رفضت اغيرها قلت عشان درجه ادخل من ضمن الي يغشون وتذكرت مباشره حديث رسولنا الكريم

قال الرسول صلى الله عليه وسلم : ( من غشنا فليس منا ) ..

فليس منا : يعني يخرج من امة محمد ..

وكثير منا يجهل معنى ذلكـ الحديث ..

الموهيم : وقسمن كل ذا وانا افكر فيه قبل اسلم الورقه ..

اخر شي قلته لنفسي من تركـ لله شيئا عوضه الله خيرا منه ..

طبعا هاذي سبق وقلتها باختبار ثالث ثانوي لان نفس الشي حصل وبالنهايه طلع خطأ علي ..

الموهيم وطلعت من الاختبار ولا سألت عن الاجابه ولا شي ورحت ادور صديقتي بالقاعه الثانيه ولا طلعت هي مراقبه عندهم فناظرتها وابتسمت لها لان ودي اقولها شوكرا ع الاسئله السهله
وهي نفسها علينا بالمحاضره الخامسه والسادسه ..

وجتنا
فدخلت الدكتوره وانا جالسه اقرا جريدة الجزيره ..

وجلست على المكتب وناظرتني نظره <== جالسه قدام وفاتحه الجريده

الموهيم قالت يَ فلانه ترا المادهـ تربيه مو الجزيره

جيت انا بكل براءه ابتسمت لها وصفطت الجريده

مدري وش الي خلاني اراجع السؤال الاول من الكتاب ولقيت ان اجابتي صح .. وان ربي عوضني

لفيت على صديقاتي وقلت ترا السؤال الاول خطأ مو صح ..

وانا متشققه من الوناسه ..

وقسمن ناظرتني الدكتوره وقالت ودي اعرف وش سبب ضحكك اليوم من الصبح وانتي توزعين ابتسامات ..

الموهيم ما اذكر وش رديت عليها الموهيم وكتبت ورقه وارسلتها لزميلتي البعيده عني بكم كرسي وكتبت فيها ربي عوضني بالدرجه الي كنت بنقصها وكتبت لها القصه

الموهيم هي ردت وارسلت الورقه

وكاتبه فيها والله انكـ تستاهلين ومن ذا الكلام ..

ثمن بعدها بكثير من الوقت خلصت الدكتوره محاضرتها :

وقبل تطلع قالت وش رايكم بالاسئله ..

جيت انا بسرعه قلت لها شششوكرا مره ع الاسئله الله يسعدكـ <== طبعا فمي فاتحته ومطلعه اسنوني زي كذا ..

قالت واخيرا عرفت سبب انبساطكــ لليوم .. يالله ان شاء الله تاخذين الدرجه الكامله ..

لكن للاسف يافرحه ماتمت ..

السبت هذا الي من شويتين جايبه الدرجات ولو تشوفون درجتي مدري وش تقولون ..

قلت لها وش ذا قالت هذا حلكم قلت الاسئله كانت مره سهله قالت اعلى وحده اخذت 17 من 20 وهي طالبه وحده والباقيات اقل قلت مافي تحسين
قالت الا في اعاده للي درجاتهم كذا واقل

عاد صار السبت الي بيجي بعد شويتين باذن الله عندي اختبار اعادهـ تربيه اسلاميه وياارب اني احل كويس واخذ الدرجه الكامله ..

مايسستفاد من القصه مايلي :

الحديثين الي ذكرتهم فيما اعلاه كثيرا منا يقرأه ويجهل معناهـ ..

****************************************

الغش منتشر بكثره بين الشباب والذي يسمى بالبراشيم
وبين البنات بنسبة قليله ..
ويعدونها شطاره وهم مادروا ان الدرجه الي ياخذونها حرام ويمكن بوكرا بتوظفون بسبب هـ الدرجه وهلما جرا ..

اسئله ع السريع كم مره غشيت\ي , كم مره حاولت\ي الغش , هل تفكرت\ي يوما بحديث الرسول صلى الله عليه وسلم ( من غشنا فليس منا ) .. ام مجرد حديث نقوله للترهيب لاغير ..

وبس

الله لايهنكم انتظروا موضوعيني القادمان بقوه ..

المشكله ولا واحد خلصته منهم والله الثاني باقي بس خلصت من الجزء الاول يعني باقي على خبركم ..
والاول الي هو عن التصوير تقريبا ماخلصت الا ربعه

الله يسهل ..
.. .. .. ..

اختكم .. ميمي