نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - طلب من كبار السن في المنتدى أو من لحق الجيل الماضي

قرقاص · #2 08/12/2010, 09:18 AM

إقتباس

الرسالة الأصلية كتبت بواسطة أزرق والقلب أبيض


	هههههههههههه شيبان المنتدى ماراح يردون مسوين انهم صغار لكن مالنا الا قرقاص

وش قصدك ؟

إقتباس


	يعني مثلاً انا سمعت إن ايام الملك فيصل الله يرحمه كانت الاجازة بس يوم الجمعة لكن في عهد الملك خالد الله يغفر له صارت الخميس و الجمعة و ان الملك خالد الله يرحمه كان كل ما يروح يتعالج برّا و يرجع يكون يوم رجوعه اجازة

وين ياخوي ! سلامات ! مااعتقد أحد من اللي معنا لحق على عهد الملك فيصل رحمة الله عليه ! وأولهم أنا مو تصغير لعمري بس هذا اللي أعرفه وخصوصا الكثير من الأعضاء القدامى اللي تشرفت بمعرفتهم ! واولهم واحد في بالي

انا ولدت في بداية عهد الملك خالد رحمة الله عليه ولكن لا أتذكر شي من ذاك الوقت الا القليل ! لكن عهد الملك فهد رحمة الله عليه اتذكر الكثير والكثير من تفاصيل تلك الأيام الجميله !!

أول شي راح ابدا فيه الأشياء المسلية اللي كانت عندنا وحنا اطفال

طبعا ماكان فيه بلاي ستيشن ولا قنوات فضائية للأطفال وانما قناة وحدة وبالراحة ممكن يقطع افلام الكرتون ويجيب لك واحد من اثنين !! يابرنامج العلم والأيمان اللي يتكلم عن النمل والذبان

ولا الأخبار المحلية

كان فيه اختراع اسمه اتاري يشبه البلاي ستيشن

وهذي صورته

أما افلام الكارتون فما كان فيه لاتوم وجيري ولا الجاسوسات

كان فيه:

الغبي هذا اللي اسمه موقو

وكان فيه سندباد

وكان فيه عدنان ولينا !

وكان يجي البرنامج التعليمي افتح ياسمسم ! الله يذكر نعمان الخروف البني بالخير

كتبنا ومناهجنا كانت غير هاللي تشوف واللي يسمونه تعليم مطور

شنطة بنتي في أولى ابتدائي من كثر الكتب انا اللي اشيلها لباب المدرسة !!!

وهذي وحدة من الأناشيد اللي يبغوننا نحفظها !! هري هري ! مثل النمري !!

ياشيخ طير وين مثل النمر

الالعاب كانت غير !! وماكانت متنوعة زي الحين !!
حاجة زي المعجون تنفخها وتصير بالون !! وكان لها ريحة غريبة تسطل !!

لو بحلف لو بااخذها الحين ,احللها عندنا بالمستشفى كان يطلع فيها أنواع البلاوي اللي تطير المخ

ولا هالسيارة ! اللي ترجعها لورا وتطلقها ومن ثم تمشي !! لا ريموت ولا بطاريات

وقت الثمانينات الميلادية ماكان فيه هايبر ماركت ! كان حدنا بقالات الحارة ! والغريب ان ماكان فيه ابوهنود يبيع فيها !! كان السعودييون هم من يتولى البيع خصوصا الشيبان !!

وان جيت للكورة ! بتلاقي الهلال من ذيك الأيام للحين وهو بطل ياحبي له

عشان تعرفون ليش حنا متعلقين بالأزرق

هذي صورة لبطولة كاس الملك عام 1402 على ماأعتقد ! شوف الأمير الوليد بن طلال فوق على اليمين وش كبره !!

وعشان تعرفون ان الهلال من ذيك الأيام وفيه ناس تفكر صح ! ناس عندها عقلية استثمارية لأستغلال القوة الشرائية

طلع النادي لبن وحليب الهلال عام 1986 ايام اول بطولة خارجية وهي كاس الخليج للاندية ! وكانت بالرياض وكان الجو بارد وممطر وقت اختبارات ومع ذلك كان الملز فل !

وحقق الهلال البطولة

هذا اللي اتذكره بس