ياديرة آل سعود دآر وحكومه
ياموطن اهل الخير والبر والجود

الشعب يشكي كاثرات( ن ) علومه
وضعه مشين وفقر والدخل محدود

جات الزياده واعلنوا في قدومه
ثم ارفعوا الاسعار والخير مقرود

والحين جآنا علّة في رسومه
نظآم سآهر دون حق ولا فود

راحت رواتبنا غصب ومخزومه
مخآلفآت وظلم من دون مردود

الشعب مدخوله على قوت يومه
يجمع رياله بين كدّ ومجهود

واللي معه بزرآن يبغـون قومه
والابو عاجز من مخابيه مقرود

نظآم ساهر اقطعوا في لزومه
تكفى يابومتعب نبي راي مشهود

نظآم فآشل كل مسلم يلومه
الشعب يشكي يابومتعب ومضهود